Ziz 21:10 - Labib An Kreol Seselwa

¹⁰ Alor, lakominote ti anvoy laba 12,000 zonm vayan avek sa lord, “Ale! Al masakre tou bann zabitan Yabes dan Galaad, bann fanm avek tou zot fanmir.

Ziz 21:10 Iomraidhean Croise

Nonm 31:17

Aprezan, al touy tou bann zenn garson ek tou bann fanm ki'n deza dormi avek en zonm.

Deterononm 13:15

ou ava masakre tou bann zabitan sa lavil, detri tou sa ki i annan dan sa lavil; ou ava menm masakre zot troupo.

Zozye 7:24

Zozye ek tou bann Izraelit, ti pran Akan, garson Zera, larzan, manto ek lengo lor. Zot ti osi pran son bann garson, son bann fiy, tou son bef, bourik, son kabri, son latant avek tou sa ki i ti posede. Alor, bann Izraelit ek Zozye ti anmenn tousala dan vale Akor.

Ziz 21:5

Bann Izraelit ti dir: Lekel parmi tou bann tribi Izrael ki pa'n mont dan lasanble devan SENYER? Annefe, dan serman solannel ki zot ti fer Mispa, zot ti dir ki sa enn ki pa ankor mont kot SENYER ava ganny touye.

Ziz 21:8

Alor zot ti dir, “Eski i annan, parmi bann Izraelit, en dimoun ki pa'n mont ver SENYER dan Mispa?” Zot ti dekouver ki okenn zabitan Yabes dan Galaad pa ti'n vin dan kan, pandan rasanbleman.

Ziz 21:9

Ler pep Izrael ti ganny resanse, ti napa okenn zabitan Yabes dan Galaad.

Ziz 5:23

Modi lavil Meroz. Modi, modi son bann zabitan. Zot pa'n vin osekour SENYER, osekour SENYER, parmi bann ero.

1 Samyel 11:7

I ti pran de bef, koup zot an morso e par lentermedyer bann mesaze, i ti anvoy partou dan teritwar Izrael, avek sa mesaz: La sa ki pou arive avek bef tou bann ki pa swiv Sail ek Samyel dan lager. Lafreyer pour SENYER ti tonm lo lepep, e zot tou, ti zwenn ansanm avek Sail.

1 Samyel 15:3

Aprezan, al atak Amalek e detri konpletman tou sa ki i annan; ou pa pou eparny li; ou ava touy zonm ek fanm, zanfan ek pti baba, bef, mouton ek kabri, samo ek bourik.”