Ziz 1:4 - Labib An Kreol Seselwa

⁴ Bann zonm Zida ti monte pour atake e SENYER ti livre bann kananeen ek bann Perizit dan zot lanmen. Zot ti ganny laviktwar dan lavil Bezek: Ti annan an tou 10,000 zonm.

Ziz 1:4 Iomraidhean Croise

1 Rwa 22:15

Kan i ti arive, lerwa ti demann li, “Mise eski nou devre atak Ramot dan Galaad, oubyen nou pa devre ale?” I ti reponn, “Monte, ou pou reisi, SENYER pou livre li dan ou lanmen.”

1 Rwa 22:6

Lerwa Izrael ti rasanble anviron 400 profet. I ti dir zot, “Eski mon kapab al atak Ramot-Galaad oubyen non?” Zot ti reponn, “Ale! SENYER pou livre lavil dan lanmen lerwa.”

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 78:55

I ti sas bann nasyon devan zot. I ti partaz pei e donn sakenn son par e enstal bann tribi Izrael dan zot latant.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Ziz 1:3

Bann zonm tribi Zida ti dir avek bann zonm tribi Simeon, “Vin avek nou pour pran dan porsyon pei ki nou'n ganny an partaz, e nou ava konbat bann Kananeen. Apre, nou osi, nou ava al avek zot pour pran teritwar ki zot in gannyen.” Alor, bann zonm dan tribi Simeon ti al avek bann zonm, tribi Zida.

Ziz 1:5

Dan lavil Bezek, zot ti rankontre Adoni-Bezek ki zot ti atake. Konmsa, zot ti ganny laviktwar lo bann Kananeen ek bann Perizit.

Ziz 11:32

Zefte ti travers frontyer e pas kot bann Amonit pour li atak zot. SENYER ti livre zot dan son lanmen.

Ziz 3:5

Pep Izrael ti reste parmi bann Kananeen, Hitit, Amorit, Perizit, Hivit ek Zebizit.

1 Samyel 11:8

Sail ti rasanble zot Bezek. Ti annan 300,000 zonm lo kote Izrael, e 30,000 zonm sorti Zida.

1 Samyel 14:10

Me si zot dir nou: Mont kot nou, nou ava monte, akoz SENYER in livre zot dan nou lanmen. Sa i ava en siny pour nou.”

1 Samyel 14:6

Zonatan ti dir son porter zarm, “Vini! Annou al lot kote dan kan bann Filisten, sa bann zonm ki pa'n sirkonsi. Petet SENYER ava ed nou. Annefe, menm si i annan en kantite nou, sa pa pou anpes SENYER donn son laviktwar.”