Deterononm 9:9 - Labib An Kreol Seselwa

⁹ Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.

Deterononm 9:9 Iomraidhean Croise

1 Rwa 19:8

I ti leve, manze e bwar. Sa manze ti donn li lafors pour marse pandan 40 zour e 40 nwit ziska Horeb, montanny Bondye.

2 Rwa 6:22

Elize ti reponn, “Non pa touy zot. Eski ou kapab touy bann dimoun ki ou'n pran koman prizonnyen par lepe ek fles? Servi zot dipen avek delo pour zot manze e bwar. Apre, fer zot retourn kot zot met.”

Egzod 24:12

SENYER ti dir Moiz, “Mont kot mwan lo montanny e reste la. Mon pou donn ou bann plak ros kot mon'n ekri lalwa ek komannman pour enstri zot.”

Egzod 24:15

Apre, Moiz ti mont lo montanny; en nyaz ti kouver sa montanny.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 32:1

Bann Izraelit ti war ki Moiz ti pe tarde desann sorti lo montanny; zot ti rasanble otour Aaron. Zot ti dir li, “Fer pour nou, bann bondye ki mars devan nou. Annefe, nou pa konnen ki'n arive avek sa Moiz, sa zonm ki ti fer nou sorti Lezip.”

Egzod 34:28

Moiz ti reste avek SENYER pandan 40 zour, 40 nwit san manze, ni bwar. I ti ekri lo bann plak ros, bann parol lalyans: Dis komannman.

Matye 4:2

Apre ki i ti'n reste 40 zour ek 40 nwit san manze, Zezi ti lafen.

Galat 4:24

Sa zistwar i annan en sinifikasyon: Sa de fanm i reprezant de lalyans. Sa enn par Agar ki donn nesans zanfan pour lesklavaz i reprezant montanny Sinai.

Deterononm 8:3

In imilye ou; in fer ou konn lafen pour li apre nouri ou avek lamann ki ni ou, ni ou bann zanset pa ti konnen. I ti fer sa pour ou konpran ki zonm pa viv zis lo dipen, me lo tou parol ki sorti dan labous SENYER.

Deterononm 9:11

Apre 40 zour ek 40 nwit, SENYER ti donn mwan sa de plak ros, ki plak lalyans.

Deterononm 9:15

Avek sa de plak ros dan mon lanmen, mon ti leve e desann montanny ki ti anflanm.

Deterononm 9:18

Mon ti reste prosternen devan SENYER parey avan, pandan 40 zour ek 40 nwit san manze ni bwar, akoz zot bann pese. Zot ti'n komet sa ki mal devan SENYER e fer li ankoler.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.