Deterononm 9:4 - Labib An Kreol Seselwa

⁴ Kan SENYER, ou Bondye ava'n sas zot devan ou, pa dir dan ou menm: Si SENYER in anmenn mwan isi pour okip sa pei, sa i akoz mon zis; me plito, akoz mesanste sa bann nasyon ki devan ou, SENYER in pran tou sa ki zot annan.

Deterononm 9:4 Iomraidhean Croise

Zenez 15:16

Katriyenm zenerasyon ou desandans pou retourn isi, akoz kriyote bann Amorit pa ankor ariv lo son nivo.”

Ezekyel 36:22

Pour sa rezon, dir pep Izrael: La sa ki Senyer BONDYE i deklare: Pa akoz zot, ki mon'n azir konmsa, me akoz mon non sen ki zot in bafwe parmi bann nasyon partou kot zot in ale.

Ezekyel 36:32

Pep Izrael, mon fer zot konnen ki pa akoz zot, ki mon pe azir konmsa, me zot devre vreman onte pour zot move konportman. Senyer BONDYE ki deklare.

Levitik 18:3

Pa imit bann pratik ki ganny fer Lezip kot zot ti reste, ni sa ki ganny pratike dan pei Kanaan kot mon pe anmenn zot. Fodre pa swiv zot bann pratik.

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

Romen 11:6

Si i'n swazir par son bonte, se pa akoz zot bann aksyon. Si Bondye ti swazir dapre sa ki zonm i fer, son bonte pa ti pou en vre bonte.

1 Korentyen 4:4

Mon konsyans i kler; me sa, pa rann mwan inosan. Senyer li menm ki mon ziz.

1 Korentyen 4:7

Lekel ki fer ou diferan avek lezot? Ki ou posede ki ou pa ti resevwar? Alor, si ou'n resevwar, akoz ou vant ou lekor konmsi ou pa'n resevwar?

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.

Deterononm 9:24

Depi ki mon konn zot, zot in revolte kont SENYER.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.