Deterononm 9:2 - Labib An Kreol Seselwa

² Zot en pep zean ki for; desandan bann Anakit ki ou konnen. Annefe, ou'n antann dir lo zot: Lekel ki kapab tenir devan bann Anakit?

Deterononm 9:2 Iomraidhean Croise

Liv Zob 11:10

Si Bondye i azir, si i met ou dan prizon, si i konvok ou, lekel ki pou anpes li?

Egzod 9:11

Bann mazisyen ti nepli kapab debout devan Moiz, akoz bann boubou. Annefe, sa bann boubou pa ti zis lo bann mazisyen, me osi partou lo lezot Ezipsyen.

Danyel 11:16

Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.

Danyel 8:4

Mon ti war sa mouton mal donn koud korn dan direksyon Was, Nor e Sid. Okenn zannimo pa ti kapab reziste son lafors, e personn pa ti kapab ganny delivre anba son pouvwar. I ti fer sa ki i ti oule e i ti vin pli pwisan.

Amos 2:9

Pourtan, mon ti detri bann Amorit devan zot. Sa bann zabitan ti osi gran ki bann pye sed e osi solid ki bann pye senn. Mon ti detri tou zot fri ek zot bann rasin.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Nonm 13:22

Zot ti mont atraver dezer Negev dan Sid ziska Hebron, la kot Ahimann, Sesai e Talmai, desandan Anak ti reste. Hebron ti'n ganny konstri set an avan Soann, ki dan pei Lezip.

Nonm 13:28

Me sa pep ki reste la i pwisan. Bann lavil i gran, antoure avek miray; nou'n menm war bann desandan Anak.

Nonm 13:33

Nou'n menm war bann zean, desandan Anak. Nou ti parey bann sotrel dan bor zot; nou krwar ki zot osi zot ti war nou konmsa.

Deterononm 1:28

Kote nou pe ale? Nou bann frer in dekouraz nou. Zot ti dir nou ki sa pep i pli for e pli gran ki nou; bann lavil i gran e bann fortifikasyon i monte ziska lesyel; ki zot in menm war bann desandan zean.

Deterononm 2:21

Zot ti en gran pep nonbre, osi gran ki bann zean. Me ler bann Amonit ti arive, SENYER ti detri zot e bann Amonit ti pran sa pei kot zot ti etabli zot.

Deterononm 7:24

I pou livre zot bann lerwa; ou ava efas zot non lo later. Personn pa pou reziste devan ou, ziska ki ou'n detri zot tou.

Zozye 11:21

Sa lepok, Zozye ti vin detri tou sa bann zean Anakit ki reste dan montanny, depi Hebron, Debir, Anab e dan bann pei montanny Zida ek Izrael.

Zozye 11:22

Ti nepli annan okenn zean dan pei Izrael, sof dan Gaza, dan Gat e dan Asdod.

Zozye 15:14

Kaleb ti sas sa trwa desandan bann Anakit ki ti reste la: Sesai, Ahimann, Talmai.