Deterononm 9:1 - Labib An Kreol Seselwa

¹ Izrael, ekoute! Ozordi, ou pe al travers larivyer Zourden, pour sas bann nasyon ki pli gran, pli for ki ou, e pran posesyon bann gran lavil ki fortifye ziska dan lesyel.

Deterononm 9:1 Iomraidhean Croise

Zenez 11:4

Apre zot ti dir: Annou konstri en lavil avek en tour ki son latet ava tous lesyel. Konmsa, nou ava vin renonmen e nou pa ava ganny disperse partou lo later.

Egzod 32:1

Bann Izraelit ti war ki Moiz ti pe tarde desann sorti lo montanny; zot ti rasanble otour Aaron. Zot ti dir li, “Fer pour nou, bann bondye ki mars devan nou. Annefe, nou pa konnen ki'n arive avek sa Moiz, sa zonm ki ti fer nou sorti Lezip.”

Danyel 4:11

Sa pye dibwa ti gran e for, son leker ti tous lesyel. Ti kapab war li depi en bout later ziska lot.

Amos 2:9

Pourtan, mon ti detri bann Amorit devan zot. Sa bann zabitan ti osi gran ki bann pye sed e osi solid ki bann pye senn. Mon ti detri tou zot fri ek zot bann rasin.

Nonm 13:22

Zot ti mont atraver dezer Negev dan Sid ziska Hebron, la kot Ahimann, Sesai e Talmai, desandan Anak ti reste. Hebron ti'n ganny konstri set an avan Soann, ki dan pei Lezip.

Nonm 33:51

Dir pep Izrael: Kan zot travers larivyer Zourden pour antre dan pei Kanaan,

Deterononm 1:28

Kote nou pe ale? Nou bann frer in dekouraz nou. Zot ti dir nou ki sa pep i pli for e pli gran ki nou; bann lavil i gran e bann fortifikasyon i monte ziska lesyel; ki zot in menm war bann desandan zean.

Deterononm 11:23

alor, SENYER ava sas devan zot tou sa bann nasyon, e zot ava pran posesyon teritwar bann nasyon pli gran e pli for ki zot.

Deterononm 11:31

Kan zot ava travers larivyer Zourden pour al okip pei ki SENYER, zot Bondye pe al donn zot, e kan zot ava pran sa pei kot zot ava reste,

Deterononm 27:2

Zour zot ava travers larivyer Zourden pour al dan pei ki SENYER, ou Bondye pou donn ou, ou ava pran bann gro ros ki ou ava penn avek laso.

Deterononm 3:18

Dan sa letan, mon ti donn zot sa lord: SENYER, zot Bondye in donn zot sa pei pour zot pran posesyon. Tou bann gerye ava pran zot zarm, e travers devan zot bann frer Izraelit.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:38

Devan ou, i ti sas bann nasyon pli gran, pli for ki ou menm, pour li anmenn ou dan sa pei ki i ti donn ou an posesyon, parey sa ki'n arive ozordi.

Deterononm 6:10

Kan SENYER, ou Bondye ava'n fer ou antre dan sa pei ki i'n promet avek ou bann zanset, Abrahanm, Izaak ek Zakob, pour li donn ou avek bann gran, zoli lavil ki ou pa ti konstri;

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Zozye 1:11

Pas partou dan kan e donn lepep sa lord: Prepar zot, akoz dan trwa zour zot pe travers larivyer Zourden, pour pran posesyon sa pei ki SENYER, zot Bondye pe donn zot.

Zozye 1:15

ziska ki SENYER in donn zot osi repo, e ki zot osi, zot ava'n pran posesyon sa pei ki SENYER in donn zot. Apre, zot ava retournen e pran posesyon pei sitye dan Les larivyer Zourden e ki Moiz, serviter SENYER, ti donn zot.”

Zozye 14:12

Pour sa rezon, donn mwan sa pei montanny ki SENYER ti koz lo la sa zour. Annefe, ou ti tande depi sa letan, ki ti annan bann zean, avek zot bann gran lavil fortifye. Si SENYER i avek mwan, mon ava sas zot parey SENYER ti anonse.”

Zozye 3:14

Ler lepep ti kit zot latant pou travers larivyer Zourden, bann pret ki ti anmenn Kof lalyans ti mars devan lepep.

Zozye 3:16

delo ti aret koule, e delo ki pli o ti reste an plas lo en long distans ziska Adan, en lavil ki akote Sartann. Par anba, delo larivyer ki ti pe koul dan direksyon lanmer Araba, lanmer Mor, ti konpletman sek. Alor, lepep ti travers vizavi Zeriko.

Zozye 3:6

Zozye ti dir bann pret, “Pran Kof lalyans e pas devan lepep.” Zot ti pran Kof lalyans e zot ti mars devan lepep.

Zozye 4:19

Lepep ti travers larivyer Zourden dizyenm zour premye mwan. Zot ti kanp obor lavil Gilgal, dan Les frontyer Zeriko.

Zozye 4:5

Zozye ti dir zot: Pas devan Kof Lalyans SENYER, zot Bondye dan milye larivyer Zourden, e pran sakenn en ros lo zot zepol, enn pour sak tribi Izrael.