Deterononm 8:8 - Labib An Kreol Seselwa

⁸ I en pei kot i annan bokou dible avek lorz, plantasyon rezen, pye fig ek pye grenad; en pei kot i annan bokou pye zoliv avek dimyel.

Deterononm 8:8 Iomraidhean Croise

Zenez 49:11

I kapab anmar son bourik avek pye rezen e son piti bourik avek meyer brans rezen. I lav son lenz dan diven e son rob dan zi rezen.

2 Samyel 4:6

Zot ti antre dan lakaz konmsi pour al pran dible, e zot ti pik Isboset dan son vant, e sove.

1 Rwa 5:11

Lo son kote, toulezan, Salomon ti fourni Hiranm 6,000 tonn dible ek 8,000 lit delwil doliv meyer kalite, pour son pale.

2 Rwa 18:32

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen, en pei avek pye zoliv ek dimyel. Konmsa, zot ava viv, e zot pa pou mor. Pa ekout Ezekyas ler i dir: SENYER pour delivre nou.

Psonm 147:14

I gard lape dan ou bann frontyer; i donn ou meyer rekolt.

Psonm 81:16

Mon ti ava nouri ou avek meyer kalite dible e donn ou dimyel sovaz ziska ki ou ti ava rasazye.

Ezai 7:23

Sa zour, la kot ti annan en plantasyon rezen, en valer 1,000 pyes larzan, pou annan zis bann zarbis pikan.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Ezekyel 27:17

Pep Zida ek Izrael ti fer komers avek ou; annesanz pour ou prodwi zot ti fourni ou dible, zoliv ek fig kont sezon, dimyel ek lesans.

Oze 2:22

Later pou reponn avek dible, diven nouvo, delwil fre; e zot ava reponn avek sa ki Zizreel pe espere.

Oze 2:8

I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Mise 4:4

Sakenn pou viv anba son prop tonnel rezen. Zot pou viv anpe anba zot pye fig, san ki personn i fer zot per. SENYER liniver ki deklare.

Habakouk 3:17

Pye fig nepli fleri; plantasyon rezen nepli donn rezen; pye zoliv nepli donn zoliv; bann plantasyon dible nepli donn dekwa manze.

Nonm 13:23

Zot ti ariv dan vale Eskol, kot zot ti koup en grap rezen ki ti fodre de zonm pour anmennen lo en golet. Zot ti osi pran en pe grenad ek fig.

Levanzil dapre Zan 6:13

Bann disip ti ranmas bann morso restan. Zot ti ranpli douz pannyen avek bann morso ki ti'n reste dan sa senk dipen lorz.

Levanzil dapre Zan 6:9

“I annan isi en pti garson ki annan senk dipen lorz ek de pwason. Sa pa nanryen ditou pour sa kantite dimoun.”

Deterononm 32:13

I ti plas li lo oter pei e fer li manz prodwi pei. I ti fer li manz dimyel sorti dan ros avek delwil sorti dan ros granit;

Deterononm 32:14

lakrenm sorti dan son troupo e dile sorti kot son bann mouton, avek lagres bann zenn mouton, bann toro ek bann kabri sorti Basann, ansanm avek dible meyer kalite. Ou ti bwar meyer diven sorti dan disan bann grap rezen.

Deterononm 6:3

Izrael! Ekoute alor, e obzerv byen sa bann komannman. Konmsa, zot ava viv ere e zot ava ganny bokou zanfan dan sa pei kot dile ek dimyel i koule annabondans, parey SENYER, Bondye ou bann zanset in promet zot.

Deterononm 8:7

SENYER, ou Bondye pe fer ou antre dan en bon pei, en pei kot i annan bann larivyer, bann sours delo ek bann sours souteren ki vin koul dan bann vale e dan bann kolin.

Deterononm 8:9

I en pei kot ou ava kapab manze san bezwen priv ou, laba, kot ou pa pou mank nanryen. Dan sa pei, i annan bokou fer dan bann ros e ou ava kapab tir kwiv dan son bann kolin.