Deterononm 8:7 - Labib An Kreol Seselwa

⁷ SENYER, ou Bondye pe fer ou antre dan en bon pei, en pei kot i annan bann larivyer, bann sours delo ek bann sours souteren ki vin koul dan bann vale e dan bann kolin.

Deterononm 8:7 Iomraidhean Croise

Zenez 49:11

I kapab anmar son bourik avek pye rezen e son piti bourik avek meyer brans rezen. I lav son lenz dan diven e son rob dan zi rezen.

2 Rwa 18:32

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen, en pei avek pye zoliv ek dimyel. Konmsa, zot ava viv, e zot pa pou mor. Pa ekout Ezekyas ler i dir: SENYER pour delivre nou.

Psonm 104:10

Ou fer sours delo sorti dan bann vale; i koul ant bann montanny.

Psonm 106:24

Zot ti rezet sa pei merveye akoz zot pa ti krwar dan son promes.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Ezai 36:17

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen.

Ezai 5:1

Mon anvi sant pour mon lanmoure en sanson lo son plantasyon rezen: Mon lanmoure ti annan en plantasyon rezen lo en kolin fertil.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Ezekyel 17:5

Apre, i ti pran en pti legren dan pei Izrael ki i ti al plant dan later fertil. I ti plant li kot ti annan dekwa delo parey en plant ki kontan delo.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Deterononm 8:6

Alor, obzerv bann komannman SENYER, ou Bondye. Mars parey i oule e dan respe anver li.

Deterononm 8:8

I en pei kot i annan bokou dible avek lorz, plantasyon rezen, pye fig ek pye grenad; en pei kot i annan bokou pye zoliv avek dimyel.

Ziz 18:10

Ler zot ava arive, zot ava pe antre kot en pep ki viv an sekirite. Sa pei i gran e Bondye in livre li dan zot lanmen. I en pei kot nanryen pa manke.”