Deterononm 8:12 - Labib An Kreol Seselwa

¹² Zot ava manze zot vant plen; zot ava konstri bann zoli lakaz kot zot ava viv.

Deterononm 8:12 Iomraidhean Croise

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Eklezyas 2:4

Mon ti realiz bann gran proze. Mon ti fer bann gran lakaz e kiltiv gran plantasyon rezen.

Ezekyel 11:3

Zot dir: Nou pa pou konstri bann lakaz desito. Lavil i parey en marmit e nou, nou koman lavyann ladan.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Agze 1:4

Eski la i en lepok pour zot reste dan zot lakaz byen dekore? Tandis ki mon lakaz li, in degrengole, i anrin?

Levanzil dapre Lik 17:28

I pou parey i ti ete dan lepok Lot: Dimoun ti pe manze, bwar, aste, vann, plante, konstri.

Deterononm 28:47

Akoz ou pa'n servi SENYER, ou Bondye avek lazwa e avek tou ou leker, alor ki ou ti annan tou annabondans,

Deterononm 31:20

Annefe, mon pou anmenn zot dan en pei kot dile ek dimyel i koule. Sa i en serman ki mon ti fer avek zot bann zanset. Ler zot in byen manze, rasazye e vin gra, zot al kot lezot bondye e servi zot, mepriz mwan e kas mon lalyans.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 6:10

Kan SENYER, ou Bondye ava'n fer ou antre dan sa pei ki i'n promet avek ou bann zanset, Abrahanm, Izaak ek Zakob, pour li donn ou avek bann gran, zoli lavil ki ou pa ti konstri;

Deterononm 8:13

Zot bann troupo ava ogmante; ou kantite larzan, ou lor ek tou sa ki ou annan ava double.