Deterononm 7:25 - Labib An Kreol Seselwa

²⁵ Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Deterononm 7:25 Iomraidhean Croise

2 Rwa 23:14

I ti kraz bann kolonn sakre, koup bann poto sakre Asera e ranpli landrwa kot zot ti ete avek lezo imen.

1 Kronik 14:12

Bann Filisten ti abandonn zot bondye la e David ti donn lord zet zot dan dife.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Egzod 32:20

I ti pran sa pti toro ki zot ti'n fer e zet li dan dife. I ti kraz li fen e fer li vin lapousyer ki i ti fann lo delo e fer pep Izrael bwar.

Egzod 8:26

Me Moiz ti dir, “Nou pa pou kapab azir konmsa. Sakrifis ki nou pou ofer SENYER, nou Bondye, pou en keksoz degoutan pour bann Ezipsyen. Si nou ofer bann sakrifis devan bann Ezipsyen, ki degoutan pour zot, eski zot pa pou saboul nou avek ros?

Ezai 30:22

Alor, ou ava konsider koman enpir, larzan ki kouver ou bann stati; lor ki lo ou bann zidol an metal. Ou ava zet zot parey salte. Ou ava dir zot: Sorti la salte!

Ezai 41:24

Zot pa vo nanryen. Zot pa kapab fer nanryen. Swazir ou koman son bondye, i en keksoz degoutan.

Levitik 13:52

Pret ava bril sa lenz, latwal, triko lalenn, linenn, ouswa nenport lobze an lapo, akoz i en maladi ki parey lalep; e i devre ganny brile dan dife.

Levitik 19:4

Pa tourn ver bann fo bondye, ni fonn metal pour fabrik bann stati. Mwan menm SENYER zot Bondye.

Sofoni 1:3

Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Deterononm 12:3

Kas zot bann lotel, kraz zot bann ros sakre, bril bann poto sakre Asera, kas bann stati zot bann bondye. Konmsa, zot ava fer disparet non sa bann bondye dan tou sa bann landrwa.

Deterononm 13:16

Ou ava rasanble tou bann piyaz lager lo laplas piblik sa lavil. Apre, ou ava met dife e bril sa lavil avek son bann piyaz lager, koman en sakrifis brile pour SENYER, ou Bondye. Sa lavil ava reste en ta debri pour touzour, e zanmen i ava ganny rekonstri.

Deterononm 17:1

Ou pa pou ofer an sakrifis pour SENYER, ou Bondye, ni en bef, ni en mouton ki annan en defo oubyen en diformite, akoz sa i en keksoz degoutan devan SENYER, ou Bondye.

Deterononm 23:18

Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Deterononm 27:15

Malediksyon lo sa enn ki fabrik en zidol oubyen ki fer en stati. Sa travay ki en artizan in fer, ki'n ganny plase dan en landrwa sekre, i en lobze degoutan devan SENYER. Lepep ava reponn: Amenn!

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Deterononm 7:5

Me la ki mannyer ou pou azir avek sa bann nasyon: Demoli zot bann lotel, kraz zot bann ros sakre, kas zot bann ros sakre, bril zot bann stati.

Zozye 7:1

Bann Izraelit ti komet en pese grav konsernan bann lobze ki SENYER ti'n defann pran: Akan, garson Karmi, garson Zabdi, garson Zera, ki sorti dan tribi Zida ti'n pran serten sa bann lobze ki ti devre ganny detri. Alor, SENYER ti ankoler kont pep Izrael.

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”

Revelasyon 17:5

Lo son fron ti'n ekri en non sekre: Gran Babilonn, manman tou bann prostitye ek tou bann aksyon degoutan lo later.