Deterononm 7:10 - Labib An Kreol Seselwa

¹⁰ Me i pini direkteman sa bann ki ay li; i fer zot disparet. I pa ezite pour pini bann ki ay li; i pini zot direkteman.

Deterononm 7:10 Iomraidhean Croise

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Proverb 11:31

Si sa enn ki zis i ganny rekonpanse lo later, malfeter ek peser pour osi ganny zot rekonpans.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Nonm 10:35

Sak fwa ki Kof Lalyans ti deplase, Moiz ti priye: Leve SENYER! Fer ou bann lennmi disperse; fer sa bann ki ay ou fannen partou.

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 32:41

si mon fit mon lepe klate e mon lanmen i pronons zizman, mon pou vanz mon bann ladverser e pey an retour sa bann ki ay mwan.

Deterononm 5:9

Ou pa pou prostern devan zot ni ador zot. Mwan SENYER, ou Bondye, mon en Bondye zalou. Mon pini bann zanfan pour pese zot paran, ziska trwazyenm e menm katriyenm zenerasyon bann ki deteste mwan.

Deterononm 7:11

Alor, obzerv byen bann komannman, bann regleman ek bann lalwa ki mon ordonn ou ozordi.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.