Avan Zozyas, ti napa okenn lerwa parey li, ki ti retourn kot SENYER avek tou son leker, avek son et antye, e avek tou son lafors, dapre tou bann lalwa Moiz. I pa'n zanmen annan personn parey li, ni avan, ni apre.
I ti debout dan son plas e i ti renouvle lalyans avek SENYER, pour swiv SENYER e obeir son bann komannman, bann lalwa ek bann regleman avek tou zot leker, e pour obeir tou parol lalyans ki'n ekri dan sa liv.
Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.
Sakenn i devre kontan Bondye avek tou son leker, tou son lentelizans e tou son lafors. I devre osi kontan son prosen parey li menm. Sa i vo plis ki tou bann sakrifis ek bann sakrifis konplet.”
Sa profeser Lalwa ti reponn li, “Kontan Senyer ou Bondye avek tou ou leker, avek ou et antye, avek tou ou lafors, avek tou ou lespri, e ou prosen parey ou menm.”
Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.
ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.
si ou byen obzerv tou son bann komannman ki mon ordonn ou ozordi; si ou kontan SENYER, ou Bondye e si ou touzour swiv son semen, alor ou ava azout trwa lezot lavil.
si ou obei SENYER, ou Bondye e obzerv son bann komannman ek lalwa ki'n ganny ekri dan sa liv; si ou retourn ver SENYER, ou Bondye avek tou ou leker e tou ou et.
La sa ki mon pe ordonn ou ozordi: Obei bann komannman SENYER, ou Bondye, kontan SENYER, ou Bondye; mars dan son semen; obzerv son bann komannman, regleman ek lalwa, pour ki ou vin nonbre. SENYER, ou Bondye ava beni ou dan sa pei kot ou pe al antre pour pran posesyon.
Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.
SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.
Selman, fer sir zot obzerv tou bann komannman ek lalwa ki Moiz, serviter SENYER, zot Bondye in ordonn zot. Kontan SENYER, zot Bondye e fer tou sa ki i demann zot. Obei tou son bann komannman; atas avek li e servi li fidelman avek tou zot leker e avek lafors zot et antye.”