Deterononm 6:12 - Labib An Kreol Seselwa

¹² fer atansyon ou pa oubliy SENYER ki ti fer ou sorti dan pei Lezip kot ou ti dan lesklavaz.

Deterononm 6:12 Iomraidhean Croise

2 Rwa 17:36

Zot devre ador SENYER ki'n fer zot sorti dan pei Lezip avek son gran pwisans ek lafors son lebra leve. Devan SENYER ki zot devre prosternen. An loner SENYER ki zot devre ofer sakrifis.

2 Rwa 17:38

Zot pa devre oubliy lalyans ki mon'n fer avek zot. Zot pa devre ador okenn lezot bondye.

Liv Zob 8:13

La sa ki arive avek bann ki oubliy Bondye; lespwar en malfeter ava disparet.

Psonm 103:2

Mon loue SENYER! Mon pa pou oubliy okenn son bann benediksyon!

Psonm 44:17

Tousala in ariv nou. Pourtan, nou pa'n oubliy ou, nou pa'n zanmen trai ou lalyans.

Psonm 59:11

Pa touy zot, sinon mon pep ava oubliye. Par ou lafors, fer zot tranble e fer zot tonbe. SENYER! Nou boukliye.

Psonm 78:7

Zot ava met zot lespwar dan Bondye; zot pa pou oubliy tou sa ki Bondye in fer, me zot ava obei son komannman.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Zeremi 34:13

La sa ki SENYER, Bondye Izrael, i deklare: Mon ti'n fer en lalyans avek ou bann zanset kan mon ti fer zot sorti Lezip kot zot ti pe viv dan lesklavaz. Mon ti dir zot:

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Nonm 15:39

Sak fwa ki zot ava get sa franz, zot ava mazin komannman SENYER pour zot met an pratik. Zot pa devre swiv dezir zot lizye ek zot leker pour fer sa ki mal.

Deterononm 32:18

Ou ti oubliy sa Ros protekter ki ti met ou omonn. Ou ti oubliy sa Bondye ki ti donn ou lavi.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 8:10

Ou ava manze ziska ki ou ava rasazye; ou ava alor, beni SENYER, ou Bondye pour sa pei ki i'n donn ou.

Kolosyen 2:8

Fer atansyon ki zot pa ganny atrape par bann fo largiman filozofik, ki pa fonde lo Kris, me lo lasazes imen, lo tradisyon zonm, ek bann lespri ki kontrol lemonn.

Ziz 2:12

Zot ti'n abandonn SENYER, Bondye zot zanset, ki ti'n fer zot sorti Lezip; zot ti swiv lezot bondye ki parmi bann bondye sa pep ki ti otour zot. Zot ti prostern devan sa bann bondye e sa ti depler SENYER.