Deterononm 6:11 - Labib An Kreol Seselwa

¹¹ bann lakaz ranpli avek en kantite bon keksoz ki ou pa'n anmennen; bann pwi ki ou pa'n fouye, bann plantasyon rezen ek pye zoliv ki ou pa'n plante. Ler ou ava'n manze e rasazye,

Deterononm 6:11 Iomraidhean Croise

Nehemi 9:25

Zot ti pran bann lavil fortifye ek en later fertil; zot ti pran bann lakaz ranpli avek toudsort byen, bann sitern ki'n fini ganny fouye, bann plantasyon rezen, zoliv ek en kantite pye fri. Zot ti manze ziska rasazye, angrese. Gras ou gran bonte, zot in viv dan lopilans.

Psonm 105:44

I ti donn zot later lezot nasyon e zot ki pran posesyon larises bann pep.

Deterononm 11:15

Mon pou fer pouse zerb dan laplenn pour ou bann troupo; ou ava manze ziska ou ava rasazye.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 19:1

Kan SENYER, ou Bondye ava fer disparet bann nasyon dan ou pei ki SENYER, ou Bondye in donn ou. Kan ou ava'n pran posesyon zot byen e etabli dan zot bann lavil e dan zot lakaz,

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Zozye 24:13

Mon'n donn zot en pei kot zot pa'n fatige pour kiltive, bann lavil kot zot pe reste me ki zot pa'n konstri, bann plantasyon rezen avek bann pye zoliv ki zot pe manze, me ki zot pa'n plante.

Ziz 3:7

Pep Izrael ti fer sa ki depler SENYER: Zot ti oubliy SENYER zot Bondye pour al ador bann Baal ek bann Asera.