Deterononm 5:5 - Labib An Kreol Seselwa

⁵ Dan sa letan, mon ti pe debout ant SENYER ek zot, pour fer zot konn bann parol SENYER; zot pa ti mont lo montanny, akoz zot ti per dife. SENYER ti dir:

Deterononm 5:5 Iomraidhean Croise

Zenez 18:22

Sa bann zonm ti al dan direksyon Sodonm; me Abrahanm ti reste debout devan SENYER.

2 Rwa 18:4

I ti fer disparet bann landrwa sakre, koup bann poto sakre e kraz an morso serpan an bronz ki Moiz ti'n fer, akoz ziska aprezan, pep Izrael ti pe bril lansan devan li. Zot ti pe apel li Nehoustann.

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Egzod 19:16

Bomaten, trwazyenm zour, ti annan loraz, zekler ek en nyaz epe lo montanny. Apre, ti annan en son tronpet byen for e tou dimoun dan kan ti tranble avek lafreyer.

Egzod 19:21

SENYER ti dir Moiz, “Desann e averti lepep pour ki zot pa vin tro pre avek SENYER pour vin gete. Sankwa bokou pou mor.

Egzod 19:25

Alor, Moiz ti desann kot lepep e dir zot tou sa ki SENYER ti'n dir li.

Zeremi 30:21

Zot sef pou enn parmi zot, SENYER i deklare. Sa enn ki pou diriz zot, pou enn parmi zot. Mon pou fer li vin pre avek mwan, e i ava apros mwan. Annefe, lekel ki pou oze apros mwan san ki mon'n envit li, SENYER i deklare.

Nonm 16:48

I ti reste la debout parmi bann mor e bann vivan; e fleo ti arete.

Galat 3:19

Alor, akfer Lalwa? I ti ganny entrodwir akoz pese, ziska ki sa desandan Abrahanm avek ki promes ti ganny fer, i arive. Sa Lalwa ti ganny anonse par bann lanz ki'n servi en lentermedyer.

Deterononm 5:27

Aprose ou menm, ekout tou sa ki SENYER, nou Bondye i annan pour dir. Apre, ou ava dir nou tou sa ki SENYER, nou Bondye ava'n dir ou. Alor, nou ava ekoute e met an pratik.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.