Deterononm 5:2 - Labib An Kreol Seselwa

² SENYER, nou Bondye ti fer en lalyans avek nou lo montanny Horeb.

Deterononm 5:2 Iomraidhean Croise

2 Rwa 17:35

SENYER ti fer en lalyans avek zot e donn zot sa lord: Zot pa devre ador okenn lezot bondye ni prostern devan zot, ni servi zot, ni ofer zot okenn sakrifis.

Egzod 19:1

Pep Izrael ti ariv dan dezer Sinai, trwazyenm nouvellin, apre ki zot ti'n kit Lezip.

Egzod 24:8

Alor, Moiz ti pran sa disan ki ti dan sa bol. I ti asperz lepep, an dizan: Sa i disan lalyans ki SENYER in fer avek zot dapre tou sa bann parol.

Egzod 34:10

SENYER ti dir Moiz, “Mon pou fer en lalyans. Devan tou lepep, mon pou fer bann gran mervey ki zanmen in ganny fer lo later antye e parmi tou bann nasyon. Tou lepep otour ou ava war travay SENYER; mon pou akonpli bann mervey avek ou.”

Zeremi 11:4

Sa i lalyans ki mon ti fer avek zot bann zanset, kan mon ti fer zot sorti Lezip, sa pei ki ti parey en four ki fonn fer. Mon ti dir zot ki si zot obei tou sa ki mon demann zot fer, alor zot ava vin mon pep e mwan, zot Bondye.

Zeremi 31:32

I pa pou parey sa enn ki mon ti fer avek zot bann zanset, kan mon ti pran zot par lanmen, pour fer zot sorti Lezip. Zot pa'n respekte sa lalyans, menm si mon ti zot met, SENYER i deklare.

Zeremi 34:13

La sa ki SENYER, Bondye Izrael, i deklare: Mon ti'n fer en lalyans avek ou bann zanset kan mon ti fer zot sorti Lezip kot zot ti pe viv dan lesklavaz. Mon ti dir zot:

Malasi 4:4

Rapel byen bann lalwa, bann komannman ek bann regleman, ki mon ti donn mon serviter Moiz lo montanny Horeb pour pep Izrael antye.

Deterononm 1:6

SENYER, nou Bondye ti koz avek nou dan montanny Horeb: Zot in reste ase lontan parmi sa bann montanny.

Deterononm 29:1

La bann parol lalyans ki SENYER ti ordonn Moiz pour fer avek bann Izraelit dan pei Moab. Sa i an plis ki sa lalyans ki i ti fer avek zot lo montanny Horeb.

Deterononm 4:13

I ti fer proklanm son lalyans ki i ti demann zot obzerve, setadir, son dis komannman ki i ti ekri lo de plak ros.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.