Deterononm 4:9 - Labib An Kreol Seselwa

⁹ Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 4:9 Iomraidhean Croise

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Psonm 119:11

Mon gard ou parol dan mon leker, pour mwan pa fer pese kont ou.

Psonm 71:18

Mon Bondye! Aprezan ki mon'n vye avek seve blan, pa abandonn mwan. Les mwan proklanm ou lafors avek sa zenerasyon e ou pwisans avek zenerasyon fitir.

Egzod 10:2

pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Egzod 23:13

Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Proverb 1:8

Mon garson! Gard komannman ou papa; pa abandonn lansennyman ki ou manman i ansenny ou.

Proverb 23:26

Mon garson! Donn mwan ou leker; pran plezir swiv mon legzanp.

Proverb 3:21

Mon garson! Gard ou lizye fikse lo lasazes ek refleksyon.

Proverb 7:1

Mon garson! Gard mon lansennyman; pa oubliy mon bann komannman.

Ezai 38:19

Zis dimoun vivan, sa ki vreman vivan, ki kapab loue ou parey mon pe fer. Se bann paran ki fer zot zanfan konn ou fidelite.

Ezai 42:20

I war en kantite keksoz, me i pa fer atansyon. Son zorey i ouver, me i pa tande.

Zeremi 17:21

La sa ki SENYER i deklare: Fer byen atansyon, pa transport nanryen zour saba; pa fer antre okenn fardo atraver bann laport Zerizalenm.

Levanzil dapre Lik 8:18

Fer byen atansyon mannyer zot ekoute. Sa enn ki annan, pou ganny plis ankor. Me sa enn ki napa, pou ganny arase, menm sa ki i krwar i annan.”

Efezyen 6:4

Zot, bann papa! Pa eksit lakoler zot zanfan; me o kontrer, elve zot dan en ledikasyon ek disiplin enspire par Senyer.

Deterononm 11:19

Ou ava ansenny zot ou bann zanfan; ou ava koz lo zot ler ou dan lakour, ler ou pe marse lo semen, ler ou pe al dormi e ler ou leve.

Deterononm 12:1

La bann lalwa ek bann regleman ki zot devre obzerve dan pei ki SENYER, Bondye zot zanset pou donn zot, pour pran posesyon pour tou zot lavi.

Deterononm 16:3

Pandan lafet, ou pa pou manz nanryen ki'n kwi avek lelven. Pandan set zour, ou ava manz dipen san lelven, en dipen douler, akoz ou ti kit Lezip an tayan. Alor, sa i ava rapel ou tou dilon ou lavi, sa zour ki ou ti sorti Lezip.

Deterononm 17:19

I ava gard sa bann lalwa avek li e lir li tou le zour son lavi. Konmsa, i ava annan respe pour SENYER son Bondye e obzerv tou bann parol lalwa ek bann regleman.

Deterononm 29:29

Zis SENYER, nou Bondye ki konn bann keksoz sekre. Sa ki'n ganny revele i pour nou e pour nou bann zanfan pour touzour, pour ki nou met an pratik tou bann parol sa lalwa.

Deterononm 31:19

Aprezan alor, ekri sa kantik ki bann Izraelit ava aprann parker. Met son bann parol dan zot labous pour ki i vin en temwen kont bann Izraelit.

Deterononm 32:46

i ti dir zot: Reflesi lo tou sa bann parol ki mon pe donnen an temwannyaz kont zot ozordi; ordonn ou bann zanfan pour gard zot, pour ki zot ava byen met an pratik tou bann parol sa lalwa.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Deterononm 4:15

Sirtou, fer byen atansyon lo zot menm: Zour ki SENYER ti koz avek zot lo montanny Horeb dan milye dife, zot pa ti war son laform.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 6:12

fer atansyon ou pa oubliy SENYER ki ti fer ou sorti dan pei Lezip kot ou ti dan lesklavaz.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Deterononm 6:20

Plitar, kan zot bann zanfan ava demann zot: Akfer sa bann lalwa, regleman ek desizyon ki SENYER, nou Bondye in ordonn zot?

Deterononm 6:7

Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.

Deterononm 8:11

Fer atansyon ou pa oubliy SENYER, ou Bondye e neglize obzerv son bann komannman, lalwa ek regleman ki mon pe ordonn ou ozordi.

Deterononm 8:14

Fer atansyon alor, ki ou pa oubliy SENYER, ou Bondye ki'n fer ou sorti Lezip kot ou ti lesklav.

Ebre 2:1

Pour sa rezon, nou bezwen port en pli gran latansyon pour mesaz ki nou'n tande, pour ki nou pa les nou ganny antrennen dan perdisyon.

Ebre 2:3

Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

Let Zak 2:22

Ensi, ou war ki son lafwa ti travay ansanm avek son aksyon e son lafwa ti ganny konplete par son bann aksyon.

Zozye 1:18

Sa ki revolte e ki dezobei ou lord e pa obei tou ou parol, pou ganny touye. Reste for e pran kouraz.”

Zozye 23:11

Fer atansyon! Kontan SENYER, zot Bondye!

Zozye 4:21

I ti dir avek bann Izraelit, “Plitar, kan bann zanfan ava demann zot paran: Ki savedir sa bann ros?

Revelasyon 3:3

Pa oubliye ki mannyer ou'n resevwar e antann Laparol. Obei li e sanz ou lavi. Si ou pa sanze, mon pou vin koman en voler e ou pa pou konnen ki ler mon pou vin sirprann ou.

Ziz 3:7

Pep Izrael ti fer sa ki depler SENYER: Zot ti oubliy SENYER zot Bondye pour al ador bann Baal ek bann Asera.

Ziz 8:34

Pep Izrael ti'n oubliy SENYER zot Bondye ki ti'n delivre zot dan lanmen zot bann lennmi otour zot;