Deterononm 4:5 - Labib An Kreol Seselwa

⁵ Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Deterononm 4:5 Iomraidhean Croise

Psonm 71:17

Mon Bondye! Depi mon ti ankor zenn, ou'n ansenny mwan. Mon ankor pe proklanm bann mervey ki ou'n fer.

Egzod 18:20

Ansenny zot bann regleman ek bann lalwa; fer zot konn semen ki zot bezwen swiv, e sa ki zot devre fer.

Zeremi 11:6

SENYER ti dir mwan: Anons sa mesaz dan bann lavil Zida e dan bann semen Zerizalenm. Dir lepep ekout bann kondisyon sa lalyans e met zot an pratik.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Levitik 19:19

Obzerv mon bann regleman. Pa les de zannimo lespes diferan krwaz avek kanmarad; pa senm legren diferan kalite dan menm plantasyon, ni met en lenz ki'n ganny fer avek de kalite latwal.

Levitik 26:46

Sa i bann regleman, bann lalwa ek bann komannman ki SENYER in etabli ant li ek pep Izrael lo Montanny Sinai, par lentermedyer Moiz.

Levitik 27:34

Sa i bann komannman ki SENYER ti donn Moiz pour pep Izrael lo montanny Sinai.

Levitik 7:38

SENYER ti donn Moiz sa lord lo montanny Sinai, menm zour ki i ti ordonn pep Izrael pour prezant SENYER zot lofrann dan dezer Sinai.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Akt de Zapot 20:27

Annefe, mon pa'n negliz nanryen pour anons zot plan Bondye an antye.

1 Korentyen 11:28

Ki sakenn i egzamin son prop lekor, avan manz sa dipen e bwar sa lakoup.

1 Korentyen 15:3

Mon'n transmet zot, avan tou, lansennyman ki mwan menm mon'n resevwar. Parey Lekritir in deklare: Kris in mor pour nou pese

Deterononm 11:32

zot ava obei e met an pratik tou bann regleman ek bann lalwa ki mon pe met devan zot ozordi.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

Deterononm 4:4

Zot ki'n reste fidel anver SENYER, zot Bondye, zot ankor vivan ozordi.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Deterononm 7:11

Alor, obzerv byen bann komannman, bann regleman ek bann lalwa ki mon ordonn ou ozordi.

Deterononm 8:11

Fer atansyon ou pa oubliy SENYER, ou Bondye e neglize obzerv son bann komannman, lalwa ek regleman ki mon pe ordonn ou ozordi.

Ebre 3:5

Moiz ti fidel dan lakaz Bondye koman en serviter, pour li vin en temwen konsernan sa ki pou ganny dir.