Deterononm 4:26 - Labib An Kreol Seselwa

²⁶ ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Deterononm 4:26 Iomraidhean Croise

Zenez 19:13

Annefe, bann lakizasyon kont sa bann zabitan sa lavil i sitan grav devan SENYER, ki i'n anvoy nou pour detri sa lavil.”

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Zeremi 2:12

Lesyel i boulverse, soke. I tranble, devan sa sityasyon orib, i reste paralize. SENYER ki deklare.

Zeremi 22:29

O mon pei! Mon pei! Mon pei! Ekout parol SENYER.

Zeremi 32:24

Bann Babilonyen pe mont zot latak, pre avek lavil ki zot pou pran. Lager, lafanmin ek lepidemi pou fer lavil tonm dan zot lanmen. Parey ou war, tou sa ki ou ti dir pe ganny realize.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Ezekyel 33:28

Mon pou detri sa pei e fer li vin en landrwa devaste; son lafors ki fer son lorgey pou disparet. Bann montanny Izrael pou ganny devaste; personn pa pou pas par la.

Ezekyel 36:4

Pour sa rezon, montanny Izrael, ekout sa ki Senyer BONDYE i deklare avek bann montanny ek kolin, bann larivyer ek vale, bann landrwa devaste ek bann lavil abandonnen ki'n ganny depouye e kouver avek ensilt bann nasyon dan zalantour.

Levitik 18:28

Konmsa, zot pa ava rann sa pei enpir; e sa pei pa pou vomi zot, parey i ti fer anver bann nasyon ki ti la avan zot.

Mise 1:2

Ekoute! Zot tou bann nasyon! Later ek tou son zabitan! Ekoute. Senyer BONDYE pou akiz zot depi son tanp sen.

Mise 6:2

Bann montanny! Ekout lakizasyon ki SENYER i fer. Bann solid fondasyon later! Ekout lakizasyon ki SENYER i annan kont son pep. I'n konmans en prose kont Izrael.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 11:17

Alor, zot pou fer lakoler SENYER monte kont zot. I ava ferm lesyel e okenn lapli pa pou tonbe. Pei pou nepli prodwir okenn rekolt e zot ava disparet rapidman dan sa bon pei ki SENYER pe al donn zot.

Deterononm 28:20

SENYER pou anvoy kont ou malediksyon, lafreyer ek fristrasyon dan tou sa ki ou ava esey antreprann, ziska ki ou ava ganny detri e disparet konpletman, akoz ou bann move aksyon, akoz ou'n abandonn mwan.

Deterononm 28:22

SENYER ava fer ou soufer deperisman, lafyev, lanflanmasyon, gro lasaler ek lasesres, gro divan so e maladi pou tonm lo ou bann plantasyon. Tousala ava pourswiv ou ziska ki ou ava disparet.

Deterononm 28:45

Tou sa bann malediksyon pou tonm lo ou. Zot pou tonm lo ou ziska ou ganny detri, akoz ou pa'n obei SENYER, ou Bondye an gardan bann komannman ek bann lalwa ki i'n ordonn ou.

Deterononm 28:61

SENYER pou anvoy lo ou, menm bann fleo ek bann maladi ki pa'n ganny ekri dan sa liv lalwa. Zot ava tonm lo ou ziska ou ava ganny detri.

Deterononm 29:28

Dan son gran lakoler e avek endinyasyon, SENYER ti derasin zot lo zot later e zet zot dan en lot pei, parey sa ki pe arive ozordi.

Deterononm 31:28

Rasanble devan mwan tou bann ansyen dan zot tribi ek zot bann sef, pour ki mon dir sa bann parol devan zot e mon pran lesyel ek later koman temwen kont zot.

Deterononm 32:1

Lesyel! Ekout sa ki mon pe al dir. Later! Ekout byen parol ki sorti dan mon labous.

Deterononm 7:4

Sa i ava detourn ou bann zanfan kont mwan pour al servi lezot bondye. Alor, lakoler SENYER ava anflanmen kont zot; i ava detri zot imedyatman.

Deterononm 8:19

Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.

Deterononm 8:20

Zot pou disparet parey bann nasyon ki SENYER pou detri devan ou, akoz zot pa'n obei lavwa SENYER, ou Bondye.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Zozye 24:20

Si zot abandonn SENYER pour al servi bann bondye etranze, i pou vire kont zot; i pou fer zot dimal e detri zot apre ki i'n fer zot dibyen.”