Deterononm 4:21 - Labib An Kreol Seselwa

²¹ Akoz zot, SENYER ti ankoler kont mwan. I ti fer serman ki mon pa pou travers larivyer Zourden pour antre dan sa bon pei ki SENYER, ou Bondye pe donn ou koman patrimwann.

Deterononm 4:21 Iomraidhean Croise

Nonm 20:12

Alor, SENYER ti dir Moiz ek Aaron: Akoz zot pa'n krwar dan mwan pour montre mon sentete devan pep Izrael, pa zot ki pou fer antre sa pep dan sa pei ki mon'n promet zot.

Deterononm 1:37

SENYER ti menm ankoler kont mwan akoz zot. I ti dir: Ou osi, ou pa pou antre.

Deterononm 12:9

Annefe, zot pa ankor ariv dan sa landrwa repo e dan patrimwann ki SENYER, zot Bondye pou donn zot.

Deterononm 15:4

I pa devre annan okenn pov parmi zot. Annefe, SENYER pou sirman beni ou dan sa pei ki SENYER, ou Bondye pou donn ou koman patrimwann, pour ou pran posesyon.

Deterononm 19:10

Konmsa, disan en inosan pa pou koule lo later ki SENYER, ou Bondye pou donn ou koman posesyon. Sinon, ou pou koupab pour fer koule disan inosan.

Deterononm 19:3

Ou ava konstri bann semen e diviz an trwa parti, teritwar ki SENYER, ou Bondye pe al donn ou an posesyon. Konmsa, sa enn ki'n komet en mert ava kapab vin pran refiz dan enn sa bann lavil.

Deterononm 20:16

Me konsernan bann lavil sa bann pep ki SENYER, ou Bondye pou donn ou koman patrimwann, ou pa pou les viv nanryen ki respire.

Deterononm 21:23

Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

Deterononm 24:4

Alor, son premye mari ki ti pous li, pa pou kapab repran li koman son fanm, akoz i'n rann li enpir. Annefe, sa i ava en keksoz degoutan devan SENYER. Ou pa kapab anmenn pese dan sa pei ki SENYER, ou Bondye pou donn ou pour posesyon.

Deterononm 26:1

Kan ou ava'n ariv dan pei ki SENYER, ou Bondye pou donn ou pour patrimwann; kan ou ava'n pran posesyon sa pei e enstal ou,

Deterononm 3:26

Me akoz zot, SENYER ti tre ankoler kont mwan e i pa ti ekout mwan. SENYER ti dir mwan: Ase! Pa koz ankor lo sa zafer avek mwan.

Deterononm 31:2

i ti azoute: Aprezan, mon annan 120 an. Mon nepli kapab diriz zot mon tousel e SENYER in dir mwan: Ou pa pou travers larivyer Zourden.