Deterononm 32:7 - Labib An Kreol Seselwa

⁷ Mazin letan pase; rapel bann lannen ki'n pase. Demann ou papa e i ava enform ou; demann ou bann zanset e zot ava rakont ou.

Deterononm 32:7 Iomraidhean Croise

Psonm 10:6

I dir dan li menm: Zanmen mon pou perdi; zanmen mon pou tonm dan maler.

Psonm 119:52

SENYER! Mon mazin ou bann desizyon dan lepase; zot donn mwan en konsolasyon.

Psonm 44:1

Mon Bondye! Nou'n antann avek nou prop zorey. Nou zanset in rakont nou tou bann gran keksoz ki ou ti fer a lepok:

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 77:8

Eski son fidelite anver nou in disparet pour touzour? Eski son promes in fini pour debon?

Psonm 78:5

I'n donn pep Zakob en komannman; in fikse en lalwa dan Izrael. I ti ordonn nou bann zanset pour fer zot bann zanfan konnen.

Egzod 12:26

Kan zot zanfan ava demann zot: Ki savedir sa seremoni?

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Ezai 46:9

Mazin bann keksoz lontan akoz mwan menm Bondye, napa en lot. Mwan menm SENYER e napa en lot parey mwan.

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Deterononm 4:32

Mazin letan pase, byen lontan avan ou, depi ki ou Bondye ti kree limanite lo later. Poz sa bann kestyon lo sa ki'n arive partou lo later: Eski en si gran levennman in deza arive? Eski en keksoz parey in deza ganny rakonte?

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Ziz 6:13

Zedeon ti dir li, “Eskiz mwan mon senyer. Si SENYER i avek nou, akoz tou sa ki'n ariv nou? Oli tou sa bann mervey ki nou zanset i rakont nou ler zot dir: Pa SENYER ki'n fer nou monte depi Lezip? Aprezan, SENYER in abandonn nou; in livre nou avek Madyann.”