Deterononm 32:12 - Labib An Kreol Seselwa

¹² SENYER tousel ki ti son gid. Ti napa okenn bondye etranze avek li.

Deterononm 32:12 Iomraidhean Croise

Nehemi 9:12

Ou ti gid zot pandan lazournen par en kolonn nyaz, aswar par en kolonn dife pour ekler semen ki zot devre swiv.

Liv Zob 15:19

Bondye ti donn later zis avek zot bann zanset, kan pa ti annan okenn etranze parmi zot.

Psonm 136:16

I ti kondwir son pep atraver dezer, son fidelite i dire pour touzour.

Psonm 27:11

SENYER! Montre mwan ou semen. Akoz mon bann lennmi, kondwir mwan lo en semen san danze.

Psonm 78:14

Lizour, i ti gid zot par nyaz e lannwit, par dife.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Psonm 81:9

I pa devre annan bondye etranze parmi zot; ou pa devre ador okenn bondye etranze.

Ezai 46:4

Mon pou reste parey ziska ler zot vye; mon pou soutenir ou, menm ziska ler ou ganny seve blan. Mon'n fer li e mon pou kontinyen fer li; mwan menm ki pou soutenir ou e delivre ou.

Ezai 63:14

Zot ti parey en troupo ki desann dan vale; lespri SENYER ti donn zot repo. Konmsa ki ou'n kondwir ou pep, pour ou ganny en gran renonmen.

Oze 11:4

Mon ti gid zot avek lafeksyon, ek lanmour; mon ti pran zot koman mon zanfan e plas zot kont mon lazou. Mon ti bese e fer zot manze.

Deterononm 1:31

Dan dezer osi, ou ti war ki mannyer SENYER, ou Bondye ti soutenir ou, parey ler en papa i pran son zanfan dan lebra, tou dilon zot vwayaz, ziska ki zot in ariv isi.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

Zozye 24:17

SENYER, nou Bondye ki ti fer nou ek nou bann zanset sorti Lezip, sorti dan lesklavaz. Li ki'n fer tou sa bann gran mervey devan nou, ki'n protez nou tou dilon semen ki nou ti swiv, e parmi tou bann pep kot nou'n pase.