Deterononm 32:10 - Labib An Kreol Seselwa

¹⁰ I ti trouv li dan en pei dezer, dan en teritwar abandonnen. I ti protez li, pran swen avek li, gard li parey son kannet lizye,

Deterononm 32:10 Iomraidhean Croise

Ester 6:13

Ler Haman ti rakont son fanm Zeres ek tou son bann zanmi, sa ki ti'n ariv li, zot ti dir li, “Si Mardose, devan ki ou'n konmans abese i sorti dan pep Zwif, ou pa pou reisi fer nanryen kont li; ou pou sirman tonbe devan li.”

Psonm 107:40

SENYER i kouver bann ki pe kraz zot avek laont; i fer zot egare dan dezer.

Psonm 17:8

Gard mwan koman kannet ou lizye. Kasyet mwan anba lonbraz ou lezel,

Proverb 7:2

Gard mon bann komannman e ou ava viv; gard mon lansennyman koman ou kannet lizye.

Kantik Salomon 8:5

Lekel sa fanm ki pe vini sorti dan dezer, apiye lo son lanmoure? Mon ti revey ou anba pye ponm, la kot ou manman ti ansent ou; la kot i ti met ou omonn.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Zeremi 13:11

Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Ezekyel 16:5

Personn pa ti pran pitye pour ou; personn pa ti fer nanryen pour montre konpasyon pour ou. Me ou ti ganny zete deor dan laplenn, akoz kan ou ti ne, zot ti annan degou pour ou.

Ezekyel 20:36

Mon pou ziz zot parey mon ti ziz zot bann zanset dan dezer Lezip. Senyer BONDYE ki deklare.

Oze 11:3

Me mwan ki ti montre Efraim marse; mon ti pran zot dan mon lebra; me zot pa ti konnen ki mon pran swen pour zot.

Oze 13:5

Mwan ki ti nouri zot dan dezer, dan lasesres.

Zakari 2:12

SENYER pou swazir Zida koman son posesyon dan later sakre, e ankor en fwa, i pou swazir Zerizalenm.

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Romen 2:18

ou konnen sa ki Bondye i demann ou fer. Lalwa in montre ou ki mannyer pour ou swazir sa ki byen.

Romen 3:2

En gran lavantaz dan tou sans: Premyerman, se avek bann Zwif ki Bondye in konfye son bann promes.

Deterononm 1:19

Parey SENYER, nou Bondye ti'n ordonn nou, nou ti kit montanny Horeb e travers sa gran dezer terib ki zot ti war. Nou ti travers montanny bann Amorit, e nou ti ariv Kades Barnea.

Deterononm 1:31

Dan dezer osi, ou ti war ki mannyer SENYER, ou Bondye ti soutenir ou, parey ler en papa i pran son zanfan dan lebra, tou dilon zot vwayaz, ziska ki zot in ariv isi.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.