Deterononm 30:3 - Labib An Kreol Seselwa

³ alor, SENYER, ou Bondye ava retabli ou sityasyon. I ava annan konpasyon pour ou e rasanble ou ankor parmi tou bann pep kot SENYER, ou Bondye ti'n dispers ou.

Deterononm 30:3 Iomraidhean Croise

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Zenez 48:21

Apre Izrael ti dir Zozef, “Mon pre pour mor. Bondye pou avek ou e i pou fer ou retourn dan pei ou bann zanset.

1 Kronik 16:35

Dir osi: Sov nou, Bondye nou delivrans! Rasanble e sov nou parmi bann nasyon, pour ki nou selebre ou non sen, e ki nou pran plezir pour loue ou.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Liv Zob 42:10

Apre sa, kan Zob ti'n fini priy pour son bann zanmi, SENYER ti redonn li larises. I ti donn li de fwa plis ki i ti annan avan.

Psonm 107:3

zot ki i'n rasanble depi bann pei etranze, depi dan Les ziska dan Was, depi dan Nor ziska dan Sid.

Psonm 147:2

SENYER i rekonstri Zerizalenm; i rasanble bann Izraelit ki annegzil.

Ezai 27:12

Sa zour, SENYER pou bat bann zepi depi larivyer Efrat, ziska larivyer Lezip. I pou rasanble zot enn par enn, pep Izrael.

Ezai 43:5

Pa bezwen per, akoz mon avek ou! Mon pou fer ou desandans retournen sorti dan Les. Mon pou rasanble lezot ki dan Was.

Ezai 54:7

Mon'n abandonn ou pour en moman, me dan mon konpasyon, mon pou rasanble ou.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Lamantasyon 3:22

SENYER ava reste touzour fidel e son konpasyon pa pou zanmen fini.

Lamantasyon 3:32

Menm si i fer li soufer, i montre son konpasyon dan son gran fidelite.

Ezekyel 11:17

Alor, ou ava dir zot: La sa ki Senyer BONDYE i deklare: Mon pou tir zot dan tou sa bann pei kot zot in disperse, e rasanble zot. Mon pou donn zot later Izrael.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Ezekyel 39:28

Zot ava konnen ki mwan menm SENYER, zot Bondye. Apre ki mon'n deport zot dan pei etranze, mon pou rasanble zot lo later Izrael. Mon pa pou kit personn deryer.

Mise 7:19

Ou pou pran ankor konpasyon pour nou. Ou pou met nou pese anba ou lipye. Ou pou zet nou pese dan profonder lanmer.

Zakari 10:9

Mon ti'n dispers zot parmi bann nasyon, me menm dan bann pei etranze, zot pou mazin mwan. Zot pou fer zanfan e zot pou retournen.

Romen 11:23

Si bann Zwif i kontinyen pa krwar, zot ava ganny regrefe la kot zot ti ete avan. Annefe, Bondye i annan pouvwar gref zot ankor.

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

Romen 11:31

I parey pour zot. Aprezan, zot pa'n obei Bondye pour ki Bondye i annan pitye pour zot. Konmsa, bann Zwif osi ava kapab benefisye sa menm konpasyon.

Deterononm 13:17

Pa gard okenn piyaz lager, sankwa SENYER pa ankoler kont ou. I ava pran pitye pour ou e dan son konpasyon, i ava fer ou vin nonbre parey i ti fer serman avek ou bann zanset.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.