Deterononm 30:2 - Labib An Kreol Seselwa

² si ou retourn ver SENYER, ou Bondye, ou, avek ou bann zanfan, e obei li avek ou leker, avek ou et antye, egzakteman parey mon pe ordonn ou ozordi,

Deterononm 30:2 Iomraidhean Croise

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

1 Kronik 29:9

Lepep ti rezoui akoz sa bann lofrann ti'n ganny ofer volonterman; zot ti'n ganny ofer anver SENYER avek bon leker. Lerwa David osi ti dan en gran lazwa.

2 Kronik 30:9

Si zot retourn ver SENYER, alor bann ki pe gard zot frer ek zot zanfan prizonnyen, ava pran konpasyon pour zot e ava les zot retourn dan zot pei. SENYER zot Bondye i bon e i ranpli avek konpasyon. I pa pou detourn kont zot, si zot retourn ver li.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Psonm 119:2

Byennere sa bann ki gard son bann lord, ki rod li avek tou zot leker.

Psonm 119:80

Mon pou swiv ou bann regleman avek tou mon leker, pour ki mon pa ganny imilye.

Psonm 41:12

Ou'n sekour mwan, ou'n redonn mwan lasante e ou'n gard mwan dan ou prezans pour touzour.

Zeremi 29:13

Ou ava rod mwan e ou ava trouv mwan, akoz ou pou rod mwan avek tou ou leker.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Zeremi 36:3

Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Lamantasyon 3:32

Menm si i fer li soufer, i montre son konpasyon dan son gran fidelite.

Lamantasyon 3:40

Annou get byen nou mannyer viv e retourn ver SENYER.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Levitik 26:40

Me si zot rekonnet zot pese e pese zot zanset, e avoue ki zot in komet en sakrilez kont mwan, e ki zot in kontinyen opoz mwan,

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

2 Korentyen 3:16

Sa vwal i tonbe zis kan en dimoun i tourn ver Senyer.

Efezyen 6:24

Mon demande ki lagras Bondye ava avek tou bann ki kontan nou Senyer Zezi-Kri avek en lanmour ki pa zanmen sanze.

Deterononm 13:3

ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.