Deterononm 3:11 - Labib An Kreol Seselwa

¹¹ Og, lerwa Basann ti dernyen sirvivan bann Refait. Son lili ti an fer. I ti mezir plis ki kat met longer e anviron de met larzer. I ankor posib war sa dan lavil Raba, kapital bann Amorit.

Deterononm 3:11 Iomraidhean Croise

Zenez 14:5

Katorzyenm lannen, Kedorlaomer ti fer en kanpanny lager ansanm avek bann lerwa ki ti alye avek li. I ti bat bann Refait, Asterot-Karnaim, bann Zouzit, dan lavil Hanm, bann Emit, dan laplenn Kiryataim.

Zenez 6:15

La ki mannyer ou pou fer li: I ava 150 met longer, 25 met larzer e 15 met oter.

2 Samyel 11:1

Dan prentan lannen swivan, dan lepok ki bann lerwa i al fer lager, David ti anvoy Zoab, avek son bann zonm ek larme Izrael antye pour detri bann Amonit, e anserkle Raba. David ti reste Zerizalenm.

2 Samyel 12:26

Zoab ti latak kont Raba, lavil bann Amonit, e kaptir lavil rwayal.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Ezekyel 21:20

Tras en semen pour lepe kont Raba, lavil Amonit, en lot ver Zida, kont Zerizalenm, lavil fortifye.

Ezekyel 25:5

Mon pou fer ou lavil Raba vin en laplenn pour bann samo e bann lavil Amonit, en park pour bann mouton. Alor, ou ava konnen ki mwan menm SENYER.

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Amos 2:9

Pourtan, mon ti detri bann Amorit devan zot. Sa bann zabitan ti osi gran ki bann pye sed e osi solid ki bann pye senn. Mon ti detri tou zot fri ek zot bann rasin.

Deterononm 2:11

Zot osi, zot ti ganny konsidere koman bann Refait, me bann Moabit ti apel zot Emit, parey bann Anakit.

Deterononm 2:20

Sa rezyon i osi konsidere koman pei bann Refaim ki ti reste la oparavan, me sa bann Amonit ti apel zot bann Zanmzoumit.

Zozye 12:4

teritwar Og, lerwa Basann, enn bann dernyen Refait, ki ti reste Astarot ek Edrei.

Zozye 13:12

dan Basann, rwayonm antye lerwa Og, ki ti rennyen Astarot ek Edrei, enn bann dernyen Refait ki Moiz ti bate e pran zot teritwar.

Revelasyon 21:17

Lanz ti osi mezir miray: 60 met, dapre en mezir imen ki lanz ti servi.

1 Samyel 17:4

En sanpyon ti sorti dan kan Filisten e avanse. I ti apel Golyat e i ti sorti Gat. I ti mezir plis ki 2.80 met.