Deterononm 27:7 - Labib An Kreol Seselwa

⁷ Ou ava osi ofer bann sakrifis lakominyon e manz bann lofrann e ou ava fer lafet devan SENYER, ou Bondye.

Deterononm 27:7 Iomraidhean Croise

Nehemi 8:10

Apre, Esdras ti dir zot, “Ale! Manz bann bon pla gra e bwar bann liker dou; anvoy en pe pour bann ki pa'n prepar nanryen, akoz sa zour i sakre pour nou SENYER. Pa bezwen pran lapenn, akoz lazwa SENYER i zot lafors!”

Ezai 12:3

Avek lazwa, ou pou tir delo dan bann sours lavi.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Akt de Zapot 10:36

Zot konnen ki Bondye in anvoy son mesaz pour pep Izrael pour anons Bonn Nouvel lape par Zezi-Kri; li menm ki Senyer pour tou dimoun.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Deterononm 12:12

Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 16:14

Pandan sa lafet, ou ava selebre, ou, avek ou bann garson, ou bann fiy, ou bann lesklav zonm oubyen fanm, ek bann levit, bann etranze, bann orfelen ek bann vev ki reste dan ou bann lavil.

Deterononm 27:6

Annefe, lotel ki ou ava konstri an loner SENYER, ou Bondye i devre ganny konstri avek bann ros brit. Apre, ou ava ofer lo sa lotel, en sakrifis konplet an loner SENYER, ou Bondye.

Deterononm 27:8

Ou ava grav lo sa bann ros, dan en fason byen kler, tou bann parol sa lalwa.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

Kolosyen 1:20

Par li, Bondye in oule rekonsilye liniver antye avek li. Par lanmor son Garson lo lakrwa, in etabli lape pour tou dimoun, lo later koman dan lesyel.