Deterononm 26:6 - Labib An Kreol Seselwa

⁶ Bann Ezipsyen ti maltret nou e eksplwat nou. Zot ti fors nou travay koman lesklav.

Deterononm 26:6 Iomraidhean Croise

Egzod 1:11

Alor, bann Ezipsyen ti apwent bann sirveyan sever pour kraz zot avek travoforse. Konmsa ki bann Izraelit ti konstri lavil Pitonm ek Ranmses pour gard rezerv manze pour Faraon.

Egzod 1:14

Zot ti rann zot lavi anmer dan lesklavaz par travay mortye ek brik, e tou kalite lezot travay dan plantasyon. Zot ti ganny forse fer bann travay dir, san pitye.

Egzod 1:16

“Kan zot ava pe asiste en fanm Ebre dan lakousman, si i ganny en pti garson, touy li; me si i ganny en pti fiy les li viv.”

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Egzod 1:8

En nouvo lerwa ki pa ti'n konn Zozef ti mont lo tronn Lezip.

Egzod 5:19

Bann kontroler Izraelit ti remarke ki zot ti dan en sityasyon difisil ler zot ti ganny dir ki zot bezwen prodwir menm kantite brik par zour parey avan.

Egzod 5:23

Depi ki mon'n vin kot Faraon pour koz lo ou non, in fer plis ditor sa pep e ou pa ankor delivre li.”

Egzod 5:9

Fer zot travay pli dir ankor, pour zot napa letan pour port latansyon lo sa bann mansonz.”

Nonm 20:15

Nou zanset ti desann Lezip kot zot in reste pandan lontan. Bann Ezipsyen pa ti tret nou ek nou bann zanset byen.

Deterononm 26:7

Alor nou ti kriy ver SENYER, Bondye nou bann zanset. SENYER ti antann nou lavwa; i ti war nou lafliksyon, nou lapenn ek nou lanmizer.

Deterononm 4:20

Me zot, SENYER in swazir zot. I'n fer zot sorti Lezip, dan sa four kot feray i fonn, pour fer zot vin son pep, son posesyon. Se sa, ki zot ete aprezan.