Deterononm 26:2 - Labib An Kreol Seselwa

² ou ava pran en pe bann premye fri ki later in prodwir, ki ou'n rekolte dan sa later ki SENYER, ou Bondye pou donn ou. Ou ava met sa bann fri dan en korbey. Ou ava al la kot SENYER, ou Bondye ava swazir koman en landrwa pour li reste.

Deterononm 26:2 Iomraidhean Croise

2 Rwa 4:42

En zonm ti arive sorti Baal-Salisa. I ti pe anmenn kot profet Bondye, dipen fer avek premye rekolt; ti annan 20 dipen lorz ek dible nouvo dan son sak. Elize ti dir, “Donn sa bann zonm e les zot manze.”

2 Kronik 31:5

De ki lord ti ganny anonse, bann Izraelit ti anmenn en kantite zot premye rekolt: Dible, diven, delwil, dimyel, ek lezot prodwi sorti dan zot plantasyon. Zot ti osi anmenn en gran kantite ladim lo tou zot rekolt.

2 Kronik 6:6

Me mon ti swazir Zerizalenm, pour manifeste mon prezans. Me mon'n swazir David, pour gouvern mon pep, Izrael.

Nehemi 12:44

Sa lepok, zot ti nonm bann zonm pour sirvey bann lasal kot ti konserv bann lofrann bann premye fri, bann premye rekolt avek bann ladim. Zot ti ganny lord pour kolekte, dan teritwar antye, dan bann lavil, bann par ki dapre lalwa, ti al pour bann pret ek bann levit, akoz Zida ti kontan ki bann pret ek bann levit ti pe byen fer sa travay.

Nehemi 13:31

Mon ti osi retabli bann lofrann dibwa, dan lepok fikse, ensi ki bann premye fri. Mazin mwan, mon Bondye e azir dan mon faver!

Egzod 20:24

Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 23:16

Ou ava selebre lafet Larekolt, lafet bann premye fri ou travay, lafet sa ki ou ti senmen dan ou plantasyon. Alafen lannen, ou ava selebre lafet Larekolt, kan ou ava rekolte fri ou travay.

Egzod 23:19

Ou ava anmenn premye fri ou plantasyon kot mwan, SENYER ou Bondye. Ou pa pou kwi en pti kabri dan dile son manman.

Egzod 34:26

Ou ava anmenn premye fri larekolt dan demer SENYER, ou Bondye. Ou pa pou kwi en pti kabri dan dile son manman.

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Ezekyel 20:40

La sa ki Senyer BONDYE i deklare: Tou Izraelit, tou sa ki pou reste dan sa pei, pou ador mwan lo mon montanny sen, lo gran montanny Izrael. La mon pou akey zot. Mon pou resevwar bann don ki zot in konsakre, tou zot bann meyer lofrann ek don pour ofer mwan.

Ezekyel 44:30

Bann pret i devre ganny tou premye parti rekolt ek tou lofrann ki ganny konsakre pour mwan. Zot ava osi donn bann pret premye parti lapat ki fer dipen, pour ki mon beni zot fanmir.

Ezekyel 48:14

Sa morso later pli enportan, i sakre pour SENYER; personn pa pou kapab ni vann, ni fer lesanz, ni transfer.

Levitik 2:12

Ou kapab ofer SENYER lofrann premye fri, me fodre pa bril li lo lotel pour li donn en loder ki fer plezir.

Levitik 2:14

Kan ou ofer SENYER en lofrann bann premye prodwi ou propriyete, ou ava ofer legren ki ou'n kraze, sorti dan zepi ki ou'n griye dan dife.

Romen 11:16

Si sa premye morso dipen ki ou'n ofer Bondye i sen, alor dipen antye i sen. Si rasin en pye dibwa i sen, son bann brans osi i sen.

Romen 16:5

Fer salanm osi Legliz ki reini dan zot lakaz. Fer salanm mon zanmi Epenet premye fri pour Kris dan provens Lazi.

Romen 8:23

Me pa zis lakreasyon: Nou ki'n deza resevwar Lespri koman premye par bann don Bondye, nou pe soupire dan nou menm, an atandan ki Bondye i pran nou koman son bann zanfan e akord nou en delivrans total.

1 Korentyen 15:20

Me Kris in resisite. I premye ki'n resisite parmi bann mor.

1 Korentyen 15:23

Me sakenn dan son ran: Kris premye parmi tou. Apre, tou sa bann ki krwar dan Kris, kan i pou vini.

1 Korentyen 16:2

Premye zour sak semenn, sakenn ava met dekote se li, larzan ki i'n reisi eparnyen. Konmsa, zot pa pou bezwen esper mwan arive pour anmas bann kontribisyon.

Deterononm 16:10

Apre, ou ava selebre lafet Rekolt an loner SENYER, ou Bondye. Lofrann volonter ki ou ava fer i ava an proporsyon avek bann benediksyon ki SENYER, ou Bondye ava'n donn ou.

Deterononm 18:4

Zot ava donn li bann premye rekolt dible, diven ek delwil, osi lalenn bann premye mouton ki zot ava raze.

Deterononm 26:1

Kan ou ava'n ariv dan pei ki SENYER, ou Bondye pou donn ou pour patrimwann; kan ou ava'n pran posesyon sa pei e enstal ou,

Deterononm 26:3

Ou ava al kot sa pret ki an servis. Ou ava dir li: Ozordi, mon deklare devan SENYER, ou Bondye, ki mon'n ariv dan sa pei ki SENYER ti fer serman avek nou zanset pour donn nou.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Zozye 18:1

Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

Revelasyon 14:4

Se sa bann ki pa'n sali zot avek bann fanm akoz zot ankor vyerz. Zot swiv Zenn Mouton partou kot i ale. Zot in ganny reaste parmi bann zonm pour ganny ofer koman bann premye fri devan Bondye e devan Zenn Mouton.