Deterononm 26:19 - Labib An Kreol Seselwa

¹⁹ Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Deterononm 26:19 Iomraidhean Croise

Psonm 148:14

In rann son pep son lafors. Son bann fidel i sant son louanz. Pep Izrael i en pep pros avek li. Loue SENYER!

Egzod 19:5

Apartir ozordi, si zot ekout mwan e gard mon lalyans, zot pou vin mon prop posesyon parmi tou bann pep. Later antye i pour mwan.

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Zeremi 13:11

Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Sofoni 3:19

Dan sa lepok, mon pou pini bann ki maltret ou. Mon pou sov sa enn ki bwete. Mon pou rasanble bann ki'n ganny disperse. Mon pou retabli zot loner e fer zot renonmen dan tou bann pei kot zot ti onte.

Sofoni 3:20

La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!

Deterononm 27:1

Apre, Moiz dan prezan bann ansyen dan Izrael ti donn lepep sa lord: Gard tou bann komannman ki mon pe ordonn zot ozordi.

Deterononm 28:1

Si ou obei SENYER, ou Bondye, si ou obzerv fidelman tou son bann komannman ki mon pe al ordonn ou ozordi, SENYER, ou Bondye ava fer ou pli gran ki tou bann nasyon ki lo later.

Deterononm 28:13

SENYER ava fer ou vin premye, non pa dernyen; touzour anler, zanmen anba. Ou devre obei bann komannman SENYER, ou Bondye ki mon pe donn ou ozordi, e met zot an pratik,

Deterononm 28:9

SENYER ava etabli ou koman son pep sen, parey in fer serman avek ou, si ou gard bann komannman SENYER, ou Bondye e swiv son volonte.

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.