Deterononm 26:13 - Labib An Kreol Seselwa

¹³ Alor, ou ava dir devan SENYER, ou Bondye: Anreg avek tou ou bann komannman ki ou ti ordonn mwan, mon'n pran tou sa par konsakre ki ti kot mwan e mon'n donn bann Levit, bann etranze ki reste isi, bann orfelen, bann vev. Mon pa'n ni dezobei, ni oubliy en sel ou bann komannman.

Deterononm 26:13 Iomraidhean Croise

Psonm 119:139

Mon gran lanmour pour ou i brile dan mwan akoz mon bann lennmi i oubliy ou bann parol.

Psonm 119:141

Menm si mon pti e ganny meprize, mon pa oubliy ou bann direktiv.

Psonm 119:153

Get mon maler e delivre mwan, akoz mon pa'n oubliy ou lalwa.

Psonm 119:176

Mon'n egare parey en mouton ki'n perdi semen. Vin rod ou serviter, akoz mon pa oubliy ou bann komannman.

Psonm 119:93

Mon pa pou zanmen oubliy ou bann direktiv, akoz ou'n fer mwan reviv.

Psonm 26:6

Mon lav mon lanmen pour montre mon linosans e mon fer letour ou lotel, SENYER.

Proverb 3:1

Mon garson! Pa oubliy mon lansennyman; gard mon bann komannman dan ou leker.

Akt de Zapot 24:16

Pour sa rezon, mon fer touzour tou mon posib pour annan en konsyans kler devan Bondye e devan tou dimoun.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 11:31

Bondye, Papa Senyer Zezi, ki i ganny beni pour touzour, i konnen ki mon pa pe manti.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 26:12

Trwazyenm lannen ki lannen ladim, ou ava pran par rezerve lo ou bann rekolt ki ou ava donn bann Levit, bann etranze, bann orfelen ek bann vev. Zot ava manze ziska ki zot ava rasazye dan bann lavil.

Deterononm 26:14

Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.

1 Tesalonisyen 2:10

Zot temwen, e Bondye osi, ki nou konportman anver zot bann krwayan ti pir, zis e san repros.