Deterononm 23:16 - Labib An Kreol Seselwa

¹⁶ I ava reste kot ou dan ou lantouraz, dan en landrwa ki i'n swazir dan nenport ou bann lavil, la kot i fer li plezir. Ou pa pou eksplwat li.

Deterononm 23:16 Iomraidhean Croise

Egzod 22:21

Fodre pa maltret ni kraz en etranze, akoz zot menm, zot ti bann etranze Lezip.

Egzod 23:9

Ou pa pou maltret en etranze ki reste parmi zot; zot menm, zot konn lavi en etranze. Zot osi, zot ti bann etranze Lezip.

Proverb 22:22

Pa vol en pov akoz i mizer, ni kraz enn ki dan bezwen devan laport lavil.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Zakari 7:10

Pa eksplwat bann vev, bann orfelen, bann etranze oubyen bann pov. Pa mazin fer ditor kanmarad.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?