Deterononm 22:25 - Labib An Kreol Seselwa

²⁵ Me si sa zonm i rankontre dan lakanpanny, en zenn fiy ki'n fiyanse e ki sa zonm i vyol li, alor, zis sa zonm ki'n dormi avek li, ki ava ganny met anmor.

Deterononm 22:25 Iomraidhean Croise

2 Samyel 13:14

Me Amnon ti refize ekout li. I ti pez li akoz i ti pli for, e i ti abiz li.

Matye 1:18

La dan ki sirkonstans Zezi-Kri ti ne: Mari, manman Zezi ti'n fiyanse avek Zozef. Me avan ki zot ti konmans viv ansanm, i ti trouv li ansent par laksyon Lespri Sen.

Deterononm 22:24

ou ava anmenn tou le de devan laport sa lavil e saboul zot anmor avek ros: Sa zenn fiy, akoz i pa ti apel osekour dan lavil e sa zonm, akoz in dezonor fanm son prosen. Konmsa ou ava fer disparet lemal kot ou.

Deterononm 22:26

Ou pa pou fer nanryen sa zenn fiy, akoz i pa'n komet okenn lofans ki merit lanmor. Annefe, sa ka i parey ka en zonm ki atak son prosen ki i touye.