Deterononm 21:5 - Labib An Kreol Seselwa

⁵ Apre, bann pret, bann garson Levi ava avans devan. Annefe, SENYER, ou Bondye in swazir zot pour son servis e pour pronons bann benediksyon lo non SENYER. Zot ki fer desizyon lo tou dispit ek domaz.

Deterononm 21:5 Iomraidhean Croise

1 Kronik 23:13

Bann garson Anmranm: Aaron ek Moiz. Aaron ek son bann garson ti ganny konsakre pour servis tre sen, pour ofer lansan devan SENYER, pour ofisye pour li e pronons bann benediksyon lo son non, pour touzour.

2 Kronik 19:10

Kan en ka i ganny anmenn devan ou, par enn ou frer, sorti dan son lavil konsernan en krim oubyen laplikasyon lalwa, komannman, regleman, ou koutim, ou ava averti li pour pa rann ou koupab devan SENYER. SENYER pa pou pran lakoler kont ou, ni kont ou frer.

Ezekyel 42:13

Sa zonm ti dir mwan: Bann lasal ki vir lo kote Nor e lo kote Sid i bann lasal sakre, kot bann pret ti prezant devan SENYER, pour manz bann lofrann tre sakre. La kot zot met bann lofrann tre sen: Bann lofrann vezetal ek zannimo ofer pour diferan sakrifis pour pardon pese, akoz sa landrwa i sen.

Ezekyel 44:24

Dan en prose, zot ki ava azir koman ziz e rann zizman dapre mon lalwa. Zot ava gard mon bann komannman ek bann regleman konsernan bann lafet. Zot ava veye pour ki mon bann saba i ganny garde sakre.

Levitik 9:22

Aaron ti lev son lanmen anler ver lepep e beni zot. Kan i ti'n fini ofer sakrifis pour pardon pese, sakrifis konplet, ek sakrifis lape, i ti redesann.

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Deterononm 18:5

Annefe, parmi tou ou bann tribi, SENYER, ou Bondye in swazir Levi avek son bann garson pour prezant zot servis devan SENYER.

Deterononm 19:17

tou le de parti dan sa zafer ava prezant zot devan SENYER, devan bann pret ek bann ziz an fonksyon.

Deterononm 21:4

Bann ansyen sa lavil ava anmenn sa zenn bef kot en larivyer ki zanmen sek, kot napa okenn plantasyon, kot nanryen pa'n ganny senmen. I ava kas likou sa zenn bef dan sa larivyer.