Deterononm 21:3 - Labib An Kreol Seselwa

³ Apre, bann ansyen sa lavil ki pli pros avek sa kadav, ava pran en zenn bef ki pa ankor servi pour travay, enn ki pa'n zanmen anmenn fardo lo son zepol.

Deterononm 21:3 Iomraidhean Croise

Zeremi 31:18

Mon'n antann konplent pep Efraim: Ou'n koriz nou severman parey en zenn toro sovaz i ganny drese. Fer nou retourn ver ou, akoz nou'n pare pour retourn kot ou, akoz zis ou SENYER, ki nou Bondye.

Nonm 19:2

Sa i lalwa ki SENYER ti donnen: Dir pep Izrael anmenn devan ou en bef rouz ki napa okenn defo e ki pa ankor anmenn okenn fardo.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Deterononm 21:2

alor, ou bann ansyen ek ou bann ziz ava al mezire, pour war lekel lavil ki pli pros avek sa kadav.

Deterononm 21:4

Bann ansyen sa lavil ava anmenn sa zenn bef kot en larivyer ki zanmen sek, kot napa okenn plantasyon, kot nanryen pa'n ganny senmen. I ava kas likou sa zenn bef dan sa larivyer.

Filipyen 2:8

I ti abes li e vin obeisan ziska lanmor, menm lanmor lo en lakrwa.

1 Samyel 6:7

Aprezan, fer en saret nef e pran de vas, ki son piti pe ankor tete e ki pa'n zanmen travay; anmar zot avek saret e anmenn zot piti dan park.