Deterononm 20:6 - Labib An Kreol Seselwa

⁶ Eski i annan parmi zot ki'n plant en plantasyon rezen, me ki pa ankor gout son bann fri? I ava retourn kot li, akoz i riske mor dan konba e en lot ava premye pour zouir son fri.

Deterononm 20:6 Iomraidhean Croise

Ezai 65:22

Zot pa pour konstri lakaz pour ki en lot i reste ladan. Zot pa pou plante pour ki en lot i manz son fri, akoz lavi mon pep pou dire parey en pye dibwa e sa bann ki mon'n swazir, pou profit travay ki zot in fer par zot lanmen.

Zeremi 31:5

Ou pou replant pye rezen dan bann kolin Samari; bann planter pou manz prodwi zot plantasyon.

Sofoni 1:13

Zot larises pou ganny pran. Zot lakaz pou ganny detri. Zot pou konstrir lakaz, me zot pa pou reste ladan. Zot pou plant rezen, me zot pa pou bwar son diven.

1 Korentyen 9:7

Lekel sa solda ki servi dan en larme, ki bezwen pey son prop fre? Lekel ki plant rezen e napa drwa manz fri son plantasyon? Lekel ki gard mouton san ganny dile son troupo pour li bwar?

Deterononm 20:5

Apre, bann zofisye ava adres bann troup: Eski i annan parmi zot ki'n konstri en lakaz e ki pa ankor ganny beni? I devre retourn kot li, akoz i riske mor dan konba e en lot ava fer beni sa lakaz.

Deterononm 20:7

Si i annan en zonm ki'n fiyanse, me ki pa ankor marye, i devre retourn kot li, akoz i riske mor dan konba e en lot zonm ava marye avek son fanm.