Deterononm 19:8 - Labib An Kreol Seselwa

⁸ Si, parey in fer serman avek ou bann zanset, SENYER, ou Bondye i agrandi ou teritwar, e i donn ou sa pei parey i'n promet ou bann zanset;

Deterononm 19:8 Iomraidhean Croise

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

Esdras 4:20

I'n annan bann gran lerwa dan Zerizalenm, ki ti renny lo provens antye, lo lot kote larivyer e ki zot ti resevwar taks, drwa ladwann ek drwa pasaz.

Egzod 23:31

Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Egzod 34:24

Mon pou sas tou bann nasyon devan ou e mon pou agrandi ou teritwar; personn pa pou esey pran ou later ler ou ava al prezant ou devan SENYER ou Bondye trwa fwa par an.

Deterononm 12:20

Kan, parey in promet ou, SENYER, ou Bondye ava'n agrandi ou teritwar, e ki ou ava dir: Mon anvi manz lavyann, zis akoz ou anvi, ou ava kapab manz li kantite fwa ki ou anvi.

Deterononm 19:7

Pour sa rezon ki mon donn ou sa lord: Ou ava met apar trwa lavil.