Deterononm 19:6 - Labib An Kreol Seselwa

⁶ Petet ki dan son gran lakoler, vanzer disan i pourswiv sa zonm. Fodre pa alor, ki i kapab rezwenn li e touy li akoz semen ziska sa lavil i long. Sa zonm pa ti merit lanmor. Annefe, i pa ti annan okenn laenn kont son viktim.

Deterononm 19:6 Iomraidhean Croise

2 Samyel 14:7

Alor, tou mon fanmir ti dres kont mwan. Zot ti dir: Donn nou sa enn ki'n touy son frer. Nou pou touy li pour vanz son frer ki i'n touye. Nou ava osi fer disparet son bann zeritye. Zot oule alor detri sa pti labrez lespwar ki reste mwan, e fer disparet desandans ki port non mon mari lo later.”

Nonm 35:12

Sa bann lavil pou en landrwa sekirite, pangar bann fanmir sa viktim i touy li avan ki i ganny zize devan kominote.

Deterononm 19:5

Sipoze en zonm i al avek son prosen dan lafore pour koup dibwa; ler i lev lars pour koup en pye dibwa, latet lars i sape dan son lanmans e al tap son prosen ki mor apre. Sa zonm ava kapab al pran refiz dan enn sa bann lavil e kontinyen viv.

Deterononm 19:7

Pour sa rezon ki mon donn ou sa lord: Ou ava met apar trwa lavil.

Deterononm 21:22

Kan en zonm i'n ganny rekonnet koupab pour en krim ki merit lanmor, i ganny met anpandan avek en pye dibwa.

Zozye 20:5

Si vanzer disan pe pourswiv li, bann zabitan lavil pa pou livre sa dimoun dan son lanmen. Annefe, se par aksidan ki i ti touy son prosen; ti napa okenn laenn antre zot avan.