Deterononm 19:10 - Labib An Kreol Seselwa

¹⁰ Konmsa, disan en inosan pa pou koule lo later ki SENYER, ou Bondye pou donn ou koman posesyon. Sinon, ou pou koupab pour fer koule disan inosan.

Deterononm 19:10 Iomraidhean Croise

1 Rwa 2:31

Lerwa ti dir, “Bon, fer parey i'n dir ou: Touy li e anter li. Konmsa, lafanmir mon papa ek mwan menm ava debarase avek responsabilite disan bann zonm ki Zoab in touye san rezon.

2 Rwa 21:16

Manase ti osi fer koule bokou disan inosan ziska ki i ti ranpli Zerizalenm antye, san kont bann pese ki i ti fer Zida komet. Annefe, i ti pous pep Izrael fer sa ki mal devan SENYER.

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Psonm 94:21

Ki mannyer zot met zot ansanm kont dimoun onnet e kondann anmor en inosan.

Proverb 6:17

En regar meprizan, en labous mansonz, lanmen ki fer koule disan inosan;

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Zoel 3:19

Lezip pou ganny detri; Edonm pou vin en dezer, akoz vyolans ki zot ti fer anver bann zabitan Zida. Zot in fer koule disan bann inosan dan sa pei.

Zonas 1:14

Alor, zot ti priy SENYER. Zot ti dir: SENYER! Nou demann ou pa les nou perdi nou lavi akoz lavi sa zonm. Pa rann nou responsab disan en inosan. Ou SENYER, ou fer sa ki oule.

Nonm 35:33

Ou pa pou profann pei kot ou pe reste. Annefe, disan i rann enpir pei. Zis disan sa dimoun ki'n touye ki kapab lav disan ki'n rann pei enpir.

Deterononm 19:13

Pa montre okenn pitye. Konmsa, ou ava anpes disan inosan koule dan Izrael, e viv ere.

Deterononm 26:1

Kan ou ava'n ariv dan pei ki SENYER, ou Bondye pou donn ou pour patrimwann; kan ou ava'n pran posesyon sa pei e enstal ou,

Deterononm 4:21

Akoz zot, SENYER ti ankoler kont mwan. I ti fer serman ki mon pa pou travers larivyer Zourden pour antre dan sa bon pei ki SENYER, ou Bondye pe donn ou koman patrimwann.

1 Samyel 19:5

I ti riske son lavi e i ti touy sa Filisten; SENYER ti donn Izrael antye en gran laviktwar. Ou ti war, e ou ti rezouir. Akoz ou oule fer pese e vers disan inosan? Akoz ou oule fer David mor san rezon?”