Deterononm 18:8 - Labib An Kreol Seselwa

⁸ I ava resevwar menm par manze ki lezot levit e profit lo reveni lavant son propriyete.

Deterononm 18:8 Iomraidhean Croise

2 Kronik 31:4

I ti donn lord ki tou zabitan Zerizalenm i donn son par ki devre vin pour pret ek levit, pour ki zot ava kapab konsakre zot letan avek lalwa SENYER.

Nehemi 12:44

Sa lepok, zot ti nonm bann zonm pour sirvey bann lasal kot ti konserv bann lofrann bann premye fri, bann premye rekolt avek bann ladim. Zot ti ganny lord pour kolekte, dan teritwar antye, dan bann lavil, bann par ki dapre lalwa, ti al pour bann pret ek bann levit, akoz Zida ti kontan ki bann pret ek bann levit ti pe byen fer sa travay.

Nehemi 12:47

Dan lepok Zorobabel ek Nehemi, dapre lord sak zour, pep Izrael antye ti donn bann santer ek bann portye zot par. Zot ti osi donn bann levit zot porsyon sakre, e bann levit ti donn bann garson Aaron zot porsyon sakre.

Levitik 27:30

En dizyenm parti prodwi later ek fri bann pye dibwa i pour SENYER: Zot in ganny konsakre pour SENYER.

Levitik 7:14

I ava pran en gato dan sak lofrann koman en par pour SENYER; sa i ava pour pret ki'n fer laspersyon avek disan lo sakrifis lape.

Nonm 18:21

SENYER ti kontinyen: Mon donn bann Levit tou ladim ki lepep i ofer mwan. Sa i zot par pour servis dan Latant Rankont SENYER.

Levanzil dapre Lik 10:7

Reste dan sa lakaz; manze e bwar tou sa ki zot ofer ou, akoz en zouvriye i merit son lapey. Pa pas kazankaz.

Deterononm 18:7

i ava kapab egzers son minister lo non SENYER son Bondye, parey tou son bann frer levit ki dan servis, la devan SENYER.