Deterononm 17:9 - Labib An Kreol Seselwa

⁹ La, ou ava konsilte avek bann pret levit ek sa ziz ki an fonksyon sa bann zour. Zot ava fer ou konnen ki desizyon zot in pran pour sa ka.

Deterononm 17:9 Iomraidhean Croise

1 Kronik 26:29

Kenania ek son bann garson dan fanmir Isar, ti okip bann zafer sivil Izrael, koman bann administrater e ziz.

Egzod 18:16

Kan zot annan en dispit, zot vin kot mwan pour rezoud. Mon ziz sa zafer ant sa de parti, e mon fer konn bann regleman Bondye ek son bann lalwa.”

Egzod 22:8

Si sa voler pa ganny atrape, met sa lakaz ava prezant li devan Bondye pour deklare ki i pa'n vol dibyen son prosen.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Ezekyel 44:24

Dan en prose, zot ki ava azir koman ziz e rann zizman dapre mon lalwa. Zot ava gard mon bann komannman ek bann regleman konsernan bann lafet. Zot ava veye pour ki mon bann saba i ganny garde sakre.

Agze 2:11

La sa ki SENYER liniver i deklare: Demann bann pret en lalwa lo sa kestyon:

Zakari 3:7

La sa ki SENYER liniver i deklare: Si ou swiv mon semen e gard mon komannman, ou pou gouvern mon tanp e pran ansarz bann lakour mon tanp. Mon pou met ou lo menm ran avek sa bann ki la pe debout.

Zakari 7:3

Avek bann pret ki servi dan tanp SENYER liniver e avek bann profet, zot ti poz sa kestyon: Eski mon bezwen kontinyen plere e fer en zenn dan senkyenm mwan, parey mon'n fer pandan plizyer lannen?

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Deterononm 16:18

Ou ava nonm bann ziz ek bann mazistra dan sak tribi, dan tou zot bann lavil ki SENYER, ou Bondye pou donn ou. Zot ava ziz lepep dapre lazistis.

Deterononm 17:10

Ou ava egzekit zizman ki zot in prononse dan landrwa kot SENYER, ou Bondye ava swazir. Ou ava azir egzakteman dapre lenstriksyon ki zot in donn ou.

Deterononm 21:5

Apre, bann pret, bann garson Levi ava avans devan. Annefe, SENYER, ou Bondye in swazir zot pour son servis e pour pronons bann benediksyon lo non SENYER. Zot ki fer desizyon lo tou dispit ek domaz.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.