Deterononm 17:1 - Labib An Kreol Seselwa

¹ Ou pa pou ofer an sakrifis pour SENYER, ou Bondye, ni en bef, ni en mouton ki annan en defo oubyen en diformite, akoz sa i en keksoz degoutan devan SENYER, ou Bondye.

Deterononm 17:1 Iomraidhean Croise

Zenez 41:19

Apre, deryer zot, ti mont set lot bef vilenn e meg.

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Proverb 11:1

SENYER i deteste en balans ki'n fose; me en pwa ki zis, i fer li plezir.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 20:10

Annan de pwa, de mezir; SENYER i deteste tou le de.

Proverb 6:16

I annan sis keksoz ki SENYER i deteste, e set ki i pa siporte:

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Malasi 1:8

Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

Nonm 29:8

Zot ava ofer en sakrifis konplet ki donn en loder ki fer plezir SENYER: En zenn toro, en mouton mal adilt ek set zenn mouton mal enn an. Zot devret san okenn defo.

Deterononm 15:21

Me si sa zannimo i annan en grav defo; si i bwete oubyen si i aveg, ou pa pou ofer li an sakrifis pour SENYER, ou Bondye.

Deterononm 23:18

Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Deterononm 24:4

Alor, son premye mari ki ti pous li, pa pou kapab repran li koman son fanm, akoz i'n rann li enpir. Annefe, sa i ava en keksoz degoutan devan SENYER. Ou pa kapab anmenn pese dan sa pei ki SENYER, ou Bondye pou donn ou pour posesyon.

Deterononm 25:16

Annefe, SENYER, ou Bondye i deteste dimoun ki azir an malonnet.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.