Deterononm 16:2 - Labib An Kreol Seselwa

² Ou ava ofer sakrifis Pak an loner SENYER, ou Bondye, bann zannimo sorti dan ou troupo, dan landrwa kot SENYER ava'n swazir pour fer reste prezans son non.

Deterononm 16:2 Iomraidhean Croise

2 Rwa 23:21

Lerwa ti donn sa lord avek lepep antye: Selebre Pak an loner SENYER, zot Bondye, parey in ekri dan sa liv lalyans.

2 Kronik 35:7

Pour sakrifis Pak, Zozyas ti kontribye pour lepep ki ti la prezan: 30,000 mouton ek kabri, ensi ki 3,000 toro, sorti dan bann troupo lerwa.

Nonm 9:2

Pep Izrael i devre fet Pak dat ki i ganny fikse.

Matye 26:17

Premye zour lafet Dipen san lelven, bann disip ti vin kot Zezi. Zot ti demann li, “Kote ou oule nou prepar repa Pak?”

Matye 26:2

“Zot konnen dan de zour i lafet Pak, e Fis-de-Lonm pou ganny livre pour li ganny krisifye.”

Mark 14:12

Premye zour lafet Dipen san lelven, zour ki bann zenn mouton ti ganny sakrifye pour repa Pak, bann disip Zezi ti demann li, “Kote oule nou al fer preparasyon pour repa Pak?”

Levanzil dapre Lik 22:15

I ti dir zot, “Mon'n annan en gran dezir pour manz sa repa avek zot, avan mon soufer.

Levanzil dapre Lik 22:8

Alor, Zezi ti anvoy Pyer ek Zan fer preparasyon. I ti dir zot, “Al prepar repa Pak pour nou manz ansanm.”

1 Korentyen 5:7

Pirifye zot alor: Fer disparet sa vye lelven, pour ki zot vin en nouvo lapat san lelven. Anfet, zot deza sa nouvo lapat, depi ki Kris, nou Zenn Mouton Pak in ganny sakrifye.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:14

me zis la kot SENYER ava swazir parmi enn ou bann tribi, la kot ou ava ofer ou bann sakrifis konplet. Se la osi kot ou ava fer tou sa ki mon ordonn ou.

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:26

Me ou ava anmenn zis sa ki ou'n konsakre ek ou bann sakrifis volonter dan landrwa kot SENYER ava swazir.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 15:20

Toulezan, ou ava manz li avek ou fanmir ek ou bann serviter devan SENYER, ou Bondye, dan landrwa kot SENYER ava'n swazir.

Deterononm 16:1

Dan mwan Abib, ou ava selebre lafet Pak an loner SENYER, ou Bondye, akoz ti dan mwan Abib ki SENYER, ou Bondye ti fer ou sorti Lezip pandan lannwit.

Deterononm 16:3

Pandan lafet, ou pa pou manz nanryen ki'n kwi avek lelven. Pandan set zour, ou ava manz dipen san lelven, en dipen douler, akoz ou ti kit Lezip an tayan. Alor, sa i ava rapel ou tou dilon ou lavi, sa zour ki ou ti sorti Lezip.