Deterononm 15:7 - Labib An Kreol Seselwa

⁷ Si kot ou, i annan en dimoun ki dan bezwen, en manm ou kominote dan nenport lekel lavil dan sa pei ki SENYER, ou Bondye pou donn ou, pa ferm ou leker, ni ou lanmen devan ou prosen ki dan bezwen.

Deterononm 15:7 Iomraidhean Croise

Nehemi 5:1

Bann zabitan ek zot fanm ti fer en gran konplent kont zot bann frer Zwif.

Ester 9:19

Pour sa rezon ki bann Zwif dan vilaz e ki reste dan bann lavil san miray proteksyon zot fer sa katorzyenm zour mwan Adar en zour lafet ek selebrasyon; sakenn i anvoy kado kot son vwazen.

Ester 9:22

koman bann zour ki bann Zwif ti ganny debarase avek zot bann lennmi, koman bann zour dan sa mwan, kot zot tristes ti ganny transformen an lazwa e zot maler en boner; ki zot ti devre fer sa bann zour koman bann zour lafet ek selebrasyon, bann zour pou anvoy kado kanmarad ek bann pov.

Egzod 22:25

Si ou pret larzan en pov parmi mon pep, pa fer parey lezot dimoun ki pret larzan: Pa demann li okenn lentere.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Proverb 21:13

Sa enn ki bous son zorey ler en pov i kriye, pa pou ganny okenn larepons zour i ava kriye.

Ezai 58:10

si ou partaz ou manze avek sa enn ki lafen e konsol sa ki dan lapenn, alor ou lalimyer pou briy dan teneb e fernwanr ava parey soley midi.

Levitik 25:35

Si ou frer i tonm dan lanmizer e i pa kapab pey son det, ou ava siport li, menm si en etranze oubyen en viziter, pour ki i ava kapab viv kot ou.

Matye 18:30

Me i ti refize. I ti fer met li dan prizon ziska ki i pey tou sa ki i ti dwa li.

Matye 5:42

Si en dimoun i demann ou keksoz, pa refiz li. Pa refiz en dimoun ki demann ou pret li en keksoz.

Deterononm 15:11

Akoz pou touzour annan dimoun ki dan bezwen lo sa later, alor, mon ordonn ou: Ouver ou lanmen anver ou prosen pov e anver sa enn ki dan bezwen dan ou pei.

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Deterononm 24:14

Ou pa pou gard lapey en travayer pov e ki dan bezwen, ki swa Izraelit oubyen etranze ki pe reste dan ou pei, oubyen dan enn ou bann lavil.