Deterononm 15:5 - Labib An Kreol Seselwa

⁵ Me fodre ki ou obei SENYER, ou Bondye e obzerv tou son bann komannman ki mon pe donn ou ozordi.

Deterononm 15:5 Iomraidhean Croise

Psonm 19:11

Menm mwan, ou serviter, mon ganny averti; i annan gran rekonpans pour sa enn ki met zot an pratik.

Deterononm 15:4

I pa devre annan okenn pov parmi zot. Annefe, SENYER pou sirman beni ou dan sa pei ki SENYER, ou Bondye pou donn ou koman patrimwann, pour ou pran posesyon.

Deterononm 15:6

Kan SENYER, ou Bondye ava'n beni ou, parey in promet, ou ava pret larzan bokou nasyon; me ou, ou pa pou demann prete. Ou pou domin lo bokou nasyon, me okenn nasyon pa pou domin ou.

Deterononm 26:14

Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Zozye 1:7

Reste for e pran kouraz. Fer sir ou obei tou bann lalwa ki mon serviter Moiz ti ordonn ou. Pa tourn ni adrwat, ni agos, e ou ava reisi partou kot ou ava ale.