Deterononm 14:8 - Labib An Kreol Seselwa

⁸ Ou pa pou manz koson; son sabo i fann an de, me i pa riminen; i enpir. Ou pa pou manz zot lavyann, ni tous zot kadav.

Deterononm 14:8 Iomraidhean Croise

Ezai 65:4

ki reste dan bann latonm e pas lannwit dan bann kavern ros; ki manz lavyann pork. Tou zot bann resipyan i ranpli avek manze enpir.

Ezai 66:17

SENYER i deklare: Tou sa bann ki konsakre zot e pirifye zot pour al dan bann zarden kot zot mars enn deryer lot, ki manz lavyann pork, bann zannimo degoutan. Zot tou, zot pou mor ansanm.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Levitik 11:3

Zot ava kapab manz bann zannimo ki annan sabo fann an de e ki rimin zot manze.

Levitik 5:2

Kan en dimoun, enkonsyanman, i tous nenport keksoz enpir, ki swa kadav en zannimo enpir, kadav en zannimo domestik enpir, ouswa en pti zannimo enpir, li menm, i ava rekonnet son pese. I ava enpir e koupab.

Deterononm 14:7

Me la sa bann ki ou pa pou manze, parmi bann ki riminen e bann ki annan sabo fann an de: Samo, lyev, daman. Zot riminen, me zot sabo pa fann an de; zot ava ganny konsidere enpir.

Deterononm 14:9

Parmi bann zannimo ki viv dan delo, la bann ki ou kapab manze: Ou kapab manz tou sa ki annan nazwar ek lekay.

2 Pyer 2:22

Sa ki'n ariv zot i parey sa ki sa proverb i dir: Lisyen in retourn dan son vomi. Oubyen ankor: Koson ki'n fek fini ganny lave, in retourn dan son labou.