Deterononm 13:9 - Labib An Kreol Seselwa

⁹ Ou devre touy li; ou ava premye dimoun pour egzekit li. Apre, lezot ava kontinyen saboul li avek ros.

Deterononm 13:9 Iomraidhean Croise

Levitik 24:14

Fer sa enn ki'n blasfenmen sorti an deor kan. Sa bann ki'n antann li ensilte mon non, ava poz zot lanmen lo son latet. Apre, kominote ava saboul li avek ros.

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Levanzil dapre Lik 14:26

“Sa enn ki vin kot mwan, i devre prefer mwan plis ki son papa, son manman, son fanm ek son zanfan, son frer ek son ser, e menm son prop lavi. Otreman i pa kapab vin mon disip.

Levanzil dapre Zan 8:7

Pandan ki zot ti pe kontinyen kestyonn li, Zezi ti leve. I ti dir zot, “Sa enn parmi zot ki pa'n zanmen fer pese, anvoy premye ros lo li.”

Akt de Zapot 7:58

Zot ti trenn li an deor lavil e konmans saboul li avek ros pour touy li. Bann temwen ti kit zot lenz pour veye, avek en zennonm ki ti apel Sol.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 25:12

ou ava koup son lanmen san okenn pitye.

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.