Deterononm 13:6 - Labib An Kreol Seselwa

⁶ I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 13:6 Iomraidhean Croise

Zenez 16:5

Alor, Sarai ti dir Abranm, “Ou ava responsab konsekans bann lensilt ki mon pe gannyen. Mon'n donn ou mon servant pour dormi avek, e depi ki i konnen ki i ansent, in konmans ay mwan. SENYER ava vin ziz ant mwan ek ou!”

2 Samyel 1:26

Zonatan mon frer! Akoz ou, mon dan gran douler! Ou ti mon meyer zanmi, ou lanmour pour mwan ti vreman gran, pli gran ki lanmour en fanm.

1 Rwa 18:40

Eli ti dir zot, “Sezi sa bann profet Baal; pa les en sel sove.” Zot ti atrap sa bann profet; Eli ti anmenn zot kot larivyer Kisonn kot i ti egorz zot.

2 Rwa 11:18

Alor, lepep ti antre dan tanp Baal ki zot ti demoli e kraz tou lotel ek son bann stati. Zot ti touy Matann, pret Baal, devan bann lotel. Pret Yoyada ti nonm bann gard dan tanp SENYER.

2 Kronik 15:13

Zenn koman vye, zonm koman fanm ki pa tourn ver SENYER, Bondye Izrael, i merit lanmor.

2 Kronik 23:17

Apre, tou dimoun ti al dan tanp Baal; zot ti demoli, kas son bann lotel ek son bann stati e touy Matann, pret Baal, devan bann lotel.

Liv Zob 31:27

si mon leker in ganny tante an sekre e anbras mon lanmen avek mon labous;

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 32:27

Moiz ti dir zot, “La sa ki SENYER, Bondye Izrael i deklare: Sakenn ava pran son lepe; i ava pas dan kan, devan sak laport atraver kan e touy zot frer, zot zanmi ek zot fanmir pros.”

Proverb 18:24

Bokou zanmi i anmenn maler, me en vre zanmi i pli lwayal ki en frer.

Proverb 5:20

Mon garson! Akoz ou al rod plezir avek fanm en lot e kares tete en fanm ki ou pa konnen?

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Zeremi 28:16

Alor, la sa ki SENYER i deklare: Mon pou fer ou disparet lo sa later. Ou pou mor sa lannen, akoz ou'n fer dimoun revolte kont SENYER.

Zeremi 44:3

Tousala in arive akoz bann zabitan ti provok mon lakoler par bann aksyon degoutan ki zot ti'n fer. Zot in al ofer sakrifis e ador lezot bondye ki ni zot zanset, ni zot menm, zot pa ti konnen.

Zakari 13:3

Si zanmen okenn profet i aparet ankor, zot papa ek zot manman ki ti fer zot, pou dir zot: Zot pa pou viv, akoz zot koz lalang lo non SENYER. Alor, zot papa e zot manman pou touy zot, pandan ki zot profetize.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.

Galat 2:4

Ti annan serten, sepandan, bann fo frer, ki ti pretann ki zot bann krwayan. Zot ti zwenn avek nou group an sekre koman bann espyon pour obzerv laliberte ki nou posede dan Zezi-Kri, pour fer nou vin lesklav lalwa.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Deterononm 11:32

zot ava obei e met an pratik tou bann regleman ek bann lalwa ki mon pe met devan zot ozordi.

Deterononm 13:2

si i arive ki sa bann siny oubyen sa bann keksoz ekstraordiner i realize, e zot dir ou: Annou al swiv e servi lezot bondye ki ou pa'n konnen,

Deterononm 13:7

Zot kapab ankouraz ou ador sa bann bondye lezot pep otour ou, pre oubyen lwen avek ou, partou lo later.

Deterononm 17:12

En dimoun ki azir avek larogans, ki pa obeir pret ki'n ganny plase pour ofer sakrifis devan SENYER, ou Bondye, oubyen ki pa'n ekout sa ziz, sa dimoun ava ganny touye. Konmsa, ou ava fer disparet sa ki mal dan Izrael.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Deterononm 19:19

ou ava tret li parey i ti anvi tret son prosen. Konmsa ki ou ava fer disparet lemal parmi zot.

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Deterononm 24:7

Si en zonm i ganny atrape pe pran pardfors en lot Izraelit pour fer li vin son lesklav oubyen pour vann li, i ava ganny touye. Konmsa ou ava fer disparet lemal parmi zot.

Deterononm 28:54

Menm sa zonm ki pli delika e sansib parmi zot, pou mefye son prop frer, son fanm ki i'n ser dan son lebra, menm son bann zanfan ki reste.

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Deterononm 8:14

Fer atansyon alor, ki ou pa oubliy SENYER, ou Bondye ki'n fer ou sorti Lezip kot ou ti lesklav.

Kolosyen 2:4

Mon dir zot sa, pour ki zot pa les personn tronp zot par bann zoli diskour.

Zozye 7:13

Leve aprezan! Konsakre lepep! Dir zot: Pirifye zot pour demen, akoz la sa ki SENYER, Bondye Izrael i deklare: Izrael! I annan parmi zot, bann byen ki mon ti'n donn lord pour detri. Zot pa pou kapab fer fas avek zot bann lennmi osi lontan ki zot pa fer disparet parmi zot, sa bann lobze ki mon'n donn lord pour detri.

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 20:3

Lanz ti zet li dan labim, ki i ti fermen e sele pour ki i nepli kapab tronp bann nasyon ziska ki 1,000 an ava'n fini pase. Apre sa, fodre ki i ganny large pour en pti pe letan.

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.

Ziz 2:13

Zot ti abandonn SENYER e al servi bann Baal ek bann Astarte.

Ziz 20:13

Donn nou sa bann zonm san moral dan Gibea, pour ki zot ganny touye e ki nou fer disparet dan Izrael, sa move aksyon.” Me bann Benzamit pa ti oule ekout zot bann frer Izraelit.

Ziz 5:8

Ler zot ti swazir bann nouvo bondye, lager ti devan laport lavil. Pa ti annan ni boukliye ni lans pour 40,000 zonm dan Izrael.

1 Samyel 18:1

De ki David ti'n fini koz avek Sail, Zonatan ti ganny en gran lafeksyon pour David; i ti kontan li parey son prop lekor.

1 Samyel 18:3

Zonatan ti fer en lalyans avek David akoz i ti kontan li parey son prop lekor.

1 Samyel 20:17

Zonatan ti fer David pret ankor serman pour ki i ava touzour kontan li, akoz i ti kontan David parey son prop lekor.