Deterononm 13:4 - Labib An Kreol Seselwa

⁴ Ou ava swiv SENYER, ou Bondye; ou ava annan respe zis pour li. Ou ava gard son bann komannman, obei son lavwa, e reste atase avek li.

Deterononm 13:4 Iomraidhean Croise

2 Rwa 23:3

Lerwa ti pe debout pre avek kolonn tanp e i ti fer en lalyans devan SENYER. I ti angaz li pour swiv SENYER e obei son bann komannman, bann desizyon, bann regleman avek tou son leker e son et antye, pour met an pratik tou sa ki'n ekri dan sa liv lalyans. Lepep antye ti aksepte sa lalyans.

2 Kronik 34:31

I ti debout dan son plas e i ti renouvle lalyans avek SENYER, pour swiv SENYER e obeir son bann komannman, bann lalwa ek bann regleman avek tou zot leker, e pour obeir tou parol lalyans ki'n ekri dan sa liv.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Romen 6:13

Pa les pese servi bann diferan parti zot lekor koman bann lenstriman pour fer sa ki mal. O kontrer, met zot lekor dan servis Bondye, koman dimoun ki ti'n mor e ki'n resisite. Met zot lekor antye dan servis Bondye pour akonpli sa ki zis.

1 Korentyen 6:17

Me sa enn ki ini li avek Senyer i vin enn, spirityelman avek li.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Deterononm 11:1

Ou ava kontan SENYER, ou Bondye e ou ava touzour obei tou son bann lalwa, regleman ek komannman.

Deterononm 30:20

Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Kolosyen 1:10

Konmsa, zot ava kapab viv en lavi ki Bondye i aprouve e ki fer li plezir dan tou sa ki zot fer. Konmsa, par zot bann bon aksyon, zot ava prodwir fri e progrese dan konnesans Bondye.

2 Zan 1:6

Sa lanmour, se ki nou viv dapre bann komannman Bondye. Sanmenm sa komannman dan lekel nou devre viv, parey nou'n tande depi o konmansman.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”