Deterononm 13:10 - Labib An Kreol Seselwa

¹⁰ Saboul li ziska ki i mor, akoz in esey antrenn ou lwen avek SENYER, ou Bondye ki ti tir ou dan pei Lezip e dan lesklavaz.

Deterononm 13:10 Iomraidhean Croise

2 Rwa 11:18

Alor, lepep ti antre dan tanp Baal ki zot ti demoli e kraz tou lotel ek son bann stati. Zot ti touy Matann, pret Baal, devan bann lotel. Pret Yoyada ti nonm bann gard dan tanp SENYER.

2 Kronik 24:21

Alor, lepep ti form en konplo kont li. Lerwa ti donn lord saboul li avek ros, e touy li lanmenm dan lakour tanp SENYER.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 32:27

Moiz ti dir zot, “La sa ki SENYER, Bondye Izrael i deklare: Sakenn ava pran son lepe; i ava pas dan kan, devan sak laport atraver kan e touy zot frer, zot zanmi ek zot fanmir pros.”

Levitik 20:2

Dir bann Izraelit: Sa enn parmi pep Izrael oubyen parmi bann etranze ki reste Izrael ki ofer bondye Molek enn zot bann zanfan an sakrifis, ava ganny touye. Lepep ava saboul zot avek ros.

Levitik 20:27

En zonm oubyen en fanm ki envok en medyonm oubyen lespri dimoun mor ava ganny touye; i ava ganny saboule avek ros. I ava responsab son prop lanmor.

Levitik 24:23

Moiz ti transmet sa bann lalwa avek pep Izrael. Zot ti anmenn sa zonm ki ti blasfenmen an deor kan kot zot ti saboul li avek ros e touy li parey SENYER ti'n ordonn Moiz.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 17:5

ou ava konvok sa zonm oubyen sa fanm ki'n komet sa krim devan laport lavil. La, sa zonm oubyen sa fanm ava ganny saboule avek ros ziska i mor.

Deterononm 17:7

Bann temwen ava premye ki pou lev lanmen pour egzekit kondannasyon anmor. Apre, tou lepep ava lev zot lanmen. Konmsa, ou ava fer disparet sa ki mal otour ou.

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Zozye 7:25

Zozye ti dir, “Akoz ou'n anmenn maler lo nou? La ozordi, SENYER in anmenn maler lo ou!” Izrael antye ti saboul li. Lepep ti bril zot e saboul zot avek ros.